പൊതുജന-മാനസികാരോഗ്യം: ഇന്ത്യ-യുഎഇ അധികൃതര്‍ ചര്‍ച്ച നടത്തി
world

പൊതുജന-മാനസികാരോഗ്യം: ഇന്ത്യ-യുഎഇ അധികൃതര്‍ ചര്‍ച്ച നടത്തി

കഴിഞ്ഞ വര്‍ഷം ഡി.എച്ച്‌​.എ ഉന്നതതല സമിതി ഇന്ത്യയിലെ ആരോഗ്യകേന്ദ്രങ്ങളില്‍ നടത്തിയ സന്ദര്‍ശനങ്ങളുടെ തുടര്‍ച്ചയായാണ്​ പൊതുജനാരോഗ്യ മേഖലയിലെ വിവിധ വിഷയങ്ങള്‍ വെബിനാറിലൂടെ ചര്‍ച്ച ചെയ്​തത്​.

News Desk

News Desk

ദുബൈ: പൊതുജന-മാനസികാരോഗ്യ രംഗത്തെ സഹകരണവും പരിരക്ഷാ സാധ്യതകളും പങ്കുവെക്കുന്നതിന്​ ദുബൈ ആരോഗ്യ അതോറിറ്റി (ഡി.എച്ച്‌​.എ) മേധാവികളും ഇന്ത്യന്‍ അധികൃതരും ചര്‍ച്ച നടത്തി. കഴിഞ്ഞ വര്‍ഷം ഡി.എച്ച്‌​.എ ഉന്നതതല സമിതി ഇന്ത്യയിലെ ആരോഗ്യകേന്ദ്രങ്ങളില്‍ നടത്തിയ സന്ദര്‍ശനങ്ങളുടെ തുടര്‍ച്ചയായാണ്​ പൊതുജനാരോഗ്യ മേഖലയിലെ വിവിധ വിഷയങ്ങള്‍ വെബിനാറിലൂടെ ചര്‍ച്ച ചെയ്​തത്​. ഡി.എച്ച്‌​.എ ഡയറക്​ടര്‍ ജനറല്‍ ഹുമൈദ്​ അല്‍ ഖത്താമി, ദുബൈ ഇന്ത്യന്‍​ കോണ്‍സുല്‍ ജനറല്‍ ഡോ. അമന്‍ പുരി എന്നിവര്‍ക്കൊപ്പം കേരള ആരോഗ്യ മന്ത്രി കെ.കെ.ശൈലജ ടീച്ചര്‍, കേരള മുഖ്യമന്ത്രിയുടെ ആരോഗ്യ ഉപദേഷ്​ടാവ്​ ഡോ. രാജീവ്​ സദാനന്ദന്‍ എന്നിവരും വിവിധ വിഷയങ്ങള്‍ ചര്‍ച്ച ചെയ്​തു.

ചരിത്രപരമായ ബന്ധമുളള ഇന്ത്യയും യു.എ.ഇയും തമ്മില്‍ ആരോഗ്യമേഖലയിലെ സഹകരണം അതീവ പ്രാധാന്യമുള്ളതാണെന്ന്​ ഡി.എച്ച്‌​.എ ഡയറക്​ടര്‍ ജനറല്‍ ഹുമൈദ്​ അല്‍ ഖത്താമി ആമുഖ പ്രഭാഷണത്തില്‍ ചൂണ്ടിക്കാട്ടി.

മാനസിക ആരോഗ്യം, അവയവദാനവും മാറ്റവും, ആരോഗ്യ ഗവേഷണം, കാന്‍സര്‍ പരിചരണം, ഹൃദയാരോഗ്യം, നവീന ആശയങ്ങള്‍, മാനസികാരോഗ്യസേവനം, വയോജന പരിപാലനം തുടങ്ങിയ മേഖലകളിലെ പഠനങ്ങളിലും സേവനങ്ങളിലുമാണ്​ ​​ഡി.എച്ച്‌​.എ സംഘം ഇന്ത്യ സന്ദര്‍ശന വേളയില്‍ പ്രത്യേക ഉൗന്നല്‍ നല്‍കിയത്​. ആരോഗ്യമേഖലയിലെ ലോകത്തെ ഉല്‍കൃഷ്​ഠ മാതൃകകള്‍ പിന്‍പറ്റുന്നതി​െന്‍റ ഭാഗമായാണത്​ ഇന്ത്യയിലെ വിവിധ ആരോഗ്യകേന്ദ്രങ്ങളിലെത്തിയതെന്നും ജനങ്ങള്‍ക്ക്​ എല്ലാ അര്‍ഥത്തിലും ഏറ്റവും മികച്ച ചികിത്സ ലഭ്യമാക്കുക എന്നത്​ ഇവിടുത്തെ ഭരണകൂടം മുന്നോട്ടുവെക്കുന്ന സു​പ്രധാന ദര്‍ശനങ്ങളിലൊന്നാണെന്നും അദ്ദേഹം കൂട്ടിച്ചേര്‍ത്തു. ദുബൈ ഹെല്‍ത്​ കെയര്‍കോര്‍പ്പറേഷന്‍ സി.ഇ.ഒ ഡോ.യൂനുസ്​ കസീം, ക്ലിനിക്കല്‍ സപ്പോര്‍ട്ട്​- നഴ്​സിങ്​ സേവന വിഭാഗം സി.ഇ.ഒ ഫരീദ അല്‍ ഖാജ എന്നിവരും സംസാരിച്ചു.

ഏറെ ​പ്രതിസന്ധികള്‍ നിറഞ്ഞ കോവിഡ്​ കാലത്ത്​ ഇന്ത്യന്‍ സമൂഹം ഉള്‍പ്പെടെയുള്ള വലിയ ഒരു വിഭാഗം പ്രവാസികള്‍ക്ക്​ യു.എ.ഇയിലെ സര്‍ക്കാര്‍ ഒരുക്കിയ അതിവിപുലമായ സേവനങ്ങള്‍ക്ക്​ നന്ദി പറഞ്ഞ കോണ്‍സുല്‍ ജനറല്‍ ഡോ.അമന്‍ പുരി കോവിഡ്​ മറികടക്കാന്‍ യു.എ.ഇ അധികൃതര്‍ നടത്തിയ പ്രയത്​നങ്ങള്‍ ലോകത്തിനു തന്നെ മാതൃകയാണെന്ന്​ കൂട്ടിച്ചേര്‍ത്തു. ഇന്ത്യയും യു.എ.ഇയും തമ്മിലെ തന്ത്രപരമായ പങ്കാളിത്തം കൂടുതല്‍ കരുത്തോടെ ആരോഗ്യമേഖലയിലും മുന്നോട്ടു നീങ്ങുമെന്നും അദ്ദേഹം അഭിപ്രായപ്പെട്ടു.

യു.എ.ഇയില്‍ വന്‍തോതിലുള്ള മലയാളി സമൂഹത്തിന്​ നല്‍കിയ പിന്തുണയില്‍ നന്ദി അറിയിച്ച മന്ത്രി കെ.കെ. ശൈഖജ ടീചചര്‍ കോവിഡ്​ 19 പ്രതിരോധത്തിന്​ യു.എ.ഇ നടത്തിയ മികവുറ്റ ​ശ്രമങ്ങളെ അഭിനന്ദിച്ചു. ശാസ്​​ത്രീയമായ സമീപനത്തിലൂടെ നടത്തുന്ന കോവിഡ്​ ​പ്രതിരോധ ​േപാരാട്ടം വഴി രോഗവ്യാപനത്തി​െന്‍റ തോത്​ പരമാവധി കുറച്ചു നിര്‍ത്തുവാന്‍ കേരളം ശ്രമിച്ചുവരികയാണെന്ന്​ അവര്‍ വ്യക്​തമാക്കി.പൊതുജനാരോഗ്യ സംവിധാനമാണ്​ കോവിഡ്​ ​പ്രതിരോധ മുന്നേറ്റങ്ങള്‍ക്കും കരുത്തേകിയതെന്നത്​ ഉറച്ചു പറഞ്ഞ മന്ത്രി അതു കൂടുതല്‍ ശക്​തിപ്പെടുത്തുക അത്യാവശ്യമാണെന്നും അഭിപ്രായ​െപ്പട്ടു.

പൊതു-സ്വകാര്യ മേഖലകളുടെ വര്‍ധിതമായ സഹകരണത്തി​െന്‍റ പ്രാധാന്യം വ്യക്​തമാക്കിത്തന്ന കാലമായിരുന്നു കോവിഡ്​ പ്രതിസന്ധിയെന്ന്​ ചൂണ്ടിക്കാട്ടിയ വി.പി.എസ്​ ഹെല്‍ത്​കെയര്‍ സി.ഇ.ഒ ഡോ.ഷാജിര്‍ ഗഫാര്‍ ജനങ്ങളുടെ ആരോഗ്യത്തിന്​ മുഖ്യപരിഗണന നല്‍കുന്ന യു.എ.ഇയിലും ഇന്ത്യയിലും ഈ സഹകരണം ഫലം നല്‍കുന്നുവെന്നും ചൂണ്ടിക്കാട്ടി.

ഡി.എച്ച്‌​.എ സ്​മാര്‍ട്ട്​ ഹെല്‍ത്​ ഓഫീസ്​ ഡയറക്​ടര്‍ ഡോ.മുഹമ്മദ്​ അല്‍ റിദാ, ഡോ. ഹസ്സന്‍ ശുറി, സന്ദേശ്​ കദബം, ഡോ.ബി.ആര്‍.മധുകര്‍, ഡോ. ഖൗലാ അഹ്​മദ്​ തുടങ്ങിയവരും സംസാരിച്ചു.

Anweshanam
www.anweshanam.com