ലോകത്ത് കോവിഡ് ബാധിതരുടെ എണ്ണം കുതിച്ചുയരുന്നു

24 മണിക്കൂറിനിടെ ഏഴ് ലക്ഷത്തിലധികം പുതിയ കേസുകളാണ് റിപ്പോര്‍ട്ട് ചെയ്തത്. ആകെ മരണം 19,33,457 ആയി ഉയര്‍ന്നു.
ലോകത്ത് കോവിഡ് ബാധിതരുടെ എണ്ണം കുതിച്ചുയരുന്നു

ന്യൂയോര്‍ക്ക്: ലോകത്ത് കോവിഡ് ബാധിതരുടെ എണ്ണം കുത്തനെ ഉയരുകയാണ്. ഇതുവരെ രോഗം ബാധിച്ചവരുടെ എണ്ണം ഒന്‍പത് കോടി കടന്നു. 24 മണിക്കൂറിനിടെ ഏഴ് ലക്ഷത്തിലധികം പുതിയ കേസുകളാണ് റിപ്പോര്‍ട്ട് ചെയ്തത്. ആകെ മരണം 19,33,457 ആയി ഉയര്‍ന്നു. രോഗമുക്തി നേടിയവരുടെ എണ്ണം ആറ് കോടി നാല്‍പത്തി നാല് ലക്ഷം ആയി.

ഏറ്റവും കൂടുതല്‍ രോഗികളുള്ള അമേരിക്കയില്‍ രണ്ട് കോടി ഇരുപത്തിയാറ് ലക്ഷം പേര്‍ക്കാണ് കോവിഡ് സ്ഥിരീകരിച്ചത്. 3.81 ലക്ഷം പേര്‍ മരിച്ചു. രണ്ട് ലക്ഷത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. ഒരു കോടി മുപ്പത്തിമൂന്ന് ലക്ഷം പേര്‍ രോഗമുക്തി നേടി. അതേസമയം, ഇന്ത്യയില്‍ രോഗബാധിതരുടെ എണ്ണം 1,04,31,639 ആയി. ആകെ മരണം 1,50,798. രോഗമുക്തി നേടിയവരുടെ എണ്ണം ഒരു കോടി പിന്നിട്ടു. നിലവില്‍ രാജ്യത്ത് 2,24,190 പേരാണ് രോഗം ബാധിച്ച് ചികിത്സയിലുള്ളത്.

ബ്രസീലിലും കോവിഡ് ബാധിതരുടെ എണ്ണം എണ്‍പത് ലക്ഷം കടന്നു. എഴുപത്തിയൊന്ന് ലക്ഷം പേര്‍ രോഗമുക്തി നേടി. രാജ്യത്ത് അമ്ബതിനായിരത്തിലധികം പുതിയ കേസുകളാണ് റിപ്പോര്‍ട്ട് ചെയ്തത്. ഇതോടെ ആകെ രോഗബാധിതരുടെ എണ്ണം മുപ്പത് ലക്ഷം പിന്നിട്ടു. 80,868 പേര്‍ മരണമടഞ്ഞു.

Related Stories

Anweshanam അന്വേഷണം
www.anweshanam.com