പുതുവർഷത്തെ വരവേറ്റ് ലോകം; ആദ്യമെത്തിയത് ന്യൂസിലാൻഡിലും കിരിബാത്തി ദ്വീപിലും

ടൈം സോണുകളിലെ വ്യത്യാസം കാരണം ലോകത്തിന്റെ പല കോണുകളിലും പല സമയത്താണ് പുതുവർഷം പിറക്കുന്നത്
പുതുവർഷത്തെ വരവേറ്റ് ലോകം; ആദ്യമെത്തിയത് ന്യൂസിലാൻഡിലും കിരിബാത്തി ദ്വീപിലും

പുതുവർഷത്തെ വരവേറ്റ് ലോകം. പുതുവർഷം ആദ്യം എത്തിയത് കിരിബാത്തി ദ്വീപിലും ന്യൂസീലൻഡിലുമാണ്. ടൈം സോണുകളിലെ വ്യത്യാസം കാരണം ലോകത്തിന്റെ പല കോണുകളിലും പല സമയത്താണ് പുതുവർഷം പിറക്കുന്നത്.

പസഫിക് സമുദ്രത്തിലെ സമാവോ കിരിബാത്തി ദ്വീപുകളിലാണ് 2021 ആദ്യമെത്തിയത്. തൊട്ടുപിന്നാലെ ന്യൂസിലാൻഡിലും പുതുവർഷമെത്തി.

ഓക്ലന്‍ഡ് ഹാര്‍ബര്‍ ബ്രിജിലെ സ്കൈ ടവറില്‍ കൗണ്ട് ഡൗണോടുകൂടി 2020ന് വിടനല്‍കി പുതുവര്‍ഷത്തെ സ്വാഗതം ചെയ്തു. വര്‍ണാഭമായ ദീപാലങ്കാരങ്ങളും കരിമരുന്ന് പ്രകടനങ്ങളുമായാണ് ഓക്ലന്‍ഡ് പുതുവര്‍ഷത്തെ എതിരേറ്റത്. ന്യൂസിലന്‍ഡില്‍ കോവിഡ് ഭീഷണിയില്ലാത്തതിനാല്‍ ആഘോഷങ്ങള്‍ക്ക് നിയന്ത്രണമില്ല.

ന്യൂസിലാൻഡിന് ശേഷം ഓസ്‌ട്രേലിയയിൽ ആണ് പുതുവർഷമെത്തിയത്. പിന്നീട് ജപ്പാൻ, ചൈന, ഇന്ത്യ എന്നിങ്ങനെയാണ് പുതുവർഷ ദിനം കടന്നുപോകുക.

ലോകത്തിലെ പല കോണുകളിലും പല സമയത്താണ് പുതുവർഷം പിറക്കുന്നത്. ടൈം സോണുകളിലെ വ്യത്യാസം കാരണമാണിത്. ക്രിസ്മസ് ഐലൻഡ് എന്നറിയപ്പെടുന്ന കിർത്തിമാത്തി ദ്വീപിലാണ് പുതുവർഷം അവസാനം എത്തുക. കിർത്തിമാത്തിയിൽ 6,500 പേർ മാത്രമാണ് താമസിക്കുന്നത്.

ആൾക്കൂട്ടങ്ങളും രാവേറെ നീളുന്ന പാർട്ടികൾക്കുമെല്ലാ നിയന്ത്രണമുണ്ടെങ്കിലും പതിവ് പോലെ കണ്ണഞ്ചിപ്പിക്കുന്ന കരിമരുന്ന് പ്രയോഗത്തോടെയാണ് ലോകം 2021നെ വരവേൽക്കുന്നത്.

കോവിഡ് വാക്സിൻ തരുന്ന പ്രതീക്ഷയിൽ അടച്ചുപൂട്ടലുകളിൽ നിന്ന് സ്വതന്ത്രമാകുന്ന വർഷമായിരിക്കും 2021 എന്ന പ്രതീക്ഷയിലാണ് ലോകം.

Related Stories

Anweshanam അന്വേഷണം
www.anweshanam.com