ബെംഗളൂരു: കര്ണാടകയില് പരീക്ഷ എഴുതാന് എത്തുന്ന വിദ്യാര്ഥികള്ക്ക് ഇന്സ്റ്റിറ്റിയൂഷണല് ക്വാറന്റീനില് ഇളവ്. വിദ്യാര്ഥികള്ക്ക് കോവിഡ് നെഗറ്റീവ് സര്ട്ടിഫിക്കറ്റുമായി രക്ഷിതാക്കളില് ഒരാളോടൊപ്പം എത്തി പരീക്ഷ എഴുതാം.
ഈ മാസം നടക്കാനിരിക്കുന്ന വിവിധ പരീക്ഷകള് കണക്കിലെടുത്താണ് ഏഴ് ദിവസം നിര്ബന്ധിത ക്വാറന്റീന് എന്ന നിബന്ധനയില് കര്ണാടക ആരോഗ്യ വകുപ്പ് ഇളവ് നല്കുന്നത്. വിദ്യാര്ഥികള് മൂന്നു ദിവസത്തിലധികം കര്ണാടകയില് തങ്ങാന് പാടില്ല എന്ന നിബന്ധനയുമുണ്ട്..
പഠനത്തിനായി ദക്ഷിണ കന്നഡ ജില്ലയിലേക്ക് വരുന്ന കേരളത്തില് നിന്നുള്ള വിദ്യാര്ത്ഥികള്ക്ക് നെഗറ്റീവ് ആര്ടി-പിസിആര് സര്ട്ടിഫിക്കറ്റുകളുമായി 72 മണിക്കൂര് മുന്പേ ജില്ലയില് പ്രവേശിക്കാവുന്നതാണ്. അവര് ഏഴ് ദിവസത്തെ നിര്ബന്ധിത ക്വാറന്റൈനില് കഴിയുകയും ആര്ടി-പിസിആര് ടെസ്റ്റിന് വിധേയരാകുകയും വേണം. സ്കൂളുകളിലും കോളേജുകളിലും പഠിക്കുന്ന വിദ്യാര്ത്ഥികള് ആഴ്ചയില് ഒരിക്കല് നെഗറ്റീവ് സര്ട്ടിഫിക്കറ്റുകള് നല്കണം.
Comments