ന്യൂഡല്ഹി: കപില് ദേവ് സുഖം പ്രാപിച്ചു വരുന്നതായി റിപ്പോര്ട്ട്. താരത്തിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര് വ്യക്തമാക്കി. ഏതാനും ദിവസങ്ങള്ക്കുള്ളില് അദ്ദേഹത്തെ ആശുപത്രിയില് നിന്നും ഡിസ്ചാര്ജ് ചെയ്യുമെന്നും ആശുപത്രി വൃത്തങ്ങള് അറിയിച്ചു. ആശുപത്രിയില് നിന്നുള്ള അദ്ദേഹത്തിന്റെ ചിത്രം സുഹൃത്തും മുന് ഇന്ത്യന് താരവുമായ ചേതന്ശര്മ പുറത്തുവിട്ടു.
ചിത്രത്തില് അദ്ദേഹത്തിന്റെ മകള് അമിയയെയും കാണാം. നെഞ്ചുവേദനയെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. 61കാരനായ കപിലിനെ ആന്ജിയോപ്ലാസ്റ്റിയ്ക്ക് വിധേയനാക്കിയിരുന്നു. കാര്ഡിയോളജി വിഭാഗം ഡയറക്ടര് ഡോ. അതുല് മാത്തൂറിന്റെ നേതൃത്വത്തിലായിരുന്നു ചികിത്സ. 1983ല് വെസ്റ്റിന്ഡീസിനെ തകര്ത്ത് ഇന്ത്യക്ക് ആദ്യമായി ലോകകപ്പ് നേടിത്തന്ന ടീമിന്റെ ക്യാപ്റ്റനായിരുന്നു കപില് ദേവ്. 131ടെസ്റ്റുകളും 225 ഏകദിനങ്ങളും കളിച്ച കപില് ദേവ് 434 വിക്കറ്റും 5000ലേറെ റണ്സും നേടിയിട്ടുണ്ട്
Comments