ഡെമോക്രാറ്റിക് പ്രസിഡന്റ് സ്ഥാനാര്ത്ഥി ജോ ബൈഡനും വൈസ് പ്രസിഡന്റ് സ്ഥാനാര്ത്ഥി കമലാ ഹാരിസിനും വേണ്ടി മുന് അമേരിക്കന് പ്രസിഡന്റ് ബരാക് ഒബാമ പ്രചാരണത്തിനിറങ്ങുന്നു. അടുത്തയാഴ്ച പെന്സില്വാനിയയിലാണ് ഒബാമ പ്രചരണത്തിനിറങ്ങുന്നതെന്ന് ബൈഡന് ക്യാമ്പ് അറിയിച്ചു.
ബൈഡനും കമലാ ഹാരിസിനും വേണ്ടി നേരത്തേയും ഒബാമ ഓണ്ലൈന് ക്യാമ്പയിന് നടത്തിയിരുന്നെങ്കിലും തെരഞ്ഞെടുപ്പ് പ്രചരണത്തിന് നേരിട്ടിറങ്ങുന്നത് ഇതാദ്യമാണ്. പ്രസിഡന്റ് സ്ഥാനത്ത് നിന്ന് ഇറങ്ങി നാല് വര്ഷം പിന്നിട്ടെങ്കിലും ഒബാമയുടെ ജനപ്രീതിയില് ഇപ്പോഴും ഇടിവ് സംഭവിച്ചിട്ടില്ല.
ഒക്ടോബര് 21 ബുധനാഴ്ച ഒബാമ പെന്സില്വാനിയയിലെ ഫിലാഡല്ഫിയയിലേക്ക് പുറപ്പെടുമെന്ന് ബൈഡന് ക്യാമ്പയിന് വെള്ളിയാഴ്ച പുറത്തിറക്കിയ പ്രസ്താവനയില് പറഞ്ഞു.