മുതിര്‍ന്ന ബോളിവുഡ് താരം ജഗ്ദീപ് അന്തരിച്ചു
Top News

മുതിര്‍ന്ന ബോളിവുഡ് താരം ജഗ്ദീപ് അന്തരിച്ചു

മുതിര്‍ന്ന ബോളിവുഡ് താരം ജഗ്ദീപ് അന്തരിച്ചു. 81 വയസായിരുന്നു.

By News Desk

Published on :

മുബൈ: മുതിര്‍ന്ന ബോളിവുഡ് താരം ജഗ്ദീപ് അന്തരിച്ചു. 81 വയസായിരുന്നു. മുംബൈയിലെ വസതിയിലായിരുന്നു അന്ത്യം. ഷോലെ, അന്ദാസ് അപ്ന അപ്ന, ഖുര്‍ബാനി, ഷഹന്‍ഷ എന്നീ ചിത്രങ്ങളില്‍ ശ്രദ്ധേയ വേഷങ്ങള്‍ ചെയ്തു. അബ് ദില്ലി ദൂര്‍ നഹി, കെ എ അബ്ബാസിന്റെ മുന്ന, ഗുരു ദത്തിന്റെ ആര്‍ പാര്‍, ബിമല്‍ റോയ്‌യുടെ ദൊ ബീഗ സമീന്‍ തുടങ്ങി 400 ല്‍ കൂടുതല്‍ സിനിമകളിലാണ് അഭിനയിച്ചത്. ഏറ്റവും ശ്രദ്ധേയം ഷോലെയിലെ സൂര്‍മ ഭോപാലി എന്ന കഥാപാത്രമായിരുന്നു. അഞ്ച് സിനിമകളില്‍ നായകനായും അഭിനയിച്ചിട്ടുണ്ട്.

സയ്യിദ് ഇഷ്തിയാഖ് അഹമ്മദ് ജഫ്രി എന്നാണ് ജഗ്ദീപിന്റെ യഥാര്‍ഥ പേര്. 1939ല്‍ അമൃത്സറിലായിരുന്നു ജനിച്ചത്. ഒന്‍പതാം വയസ്സില്‍ ബാലനടനായാണ് അരങ്ങില്‍ തുടക്കം കുറിച്ചത്. ആദ്യ ചിത്രം ബി ആര്‍ ചോപ്രയുടെ അഫ്‌സാന ആയിരുന്നു. റൂമി ജഫ്രിയുടെ സംവിധാനത്തില്‍ 2012ല്‍ പുറത്തെത്തിയ ഗലി ഗലി ചോര്‍ ഹൈ എന്ന ചിത്രത്തിലാണ് അവസാനം അഭിനയിച്ചത്. നടന്‍ ജാവേദ് ജഫ്രിയും ടെലിവിഷന്‍ പ്രൊഡ്യൂസര്‍ നവേദ് ജഫ്രിയും മക്കളാണ്.

Anweshanam
www.anweshanam.com