ജില്ലയില്‍ പുതുതായി പത്തു പേര്‍ക്ക് കൂടി കോവിഡ് സ്ഥിരീകരിച്ചു. ഇതില്‍ അഞ്ചു പേര്‍ വിദേശത്തുനിന്നും രണ്ടു പേര്‍ ചെന്നൈയില്‍നിന്നും വന്നവരാണ്.
കോട്ടയം: ജില്ലയില്‍ പുതുതായി പത്തു പേര്‍ക്ക് കൂടി കോവിഡ് സ്ഥിരീകരിച്ചു. ഇതില്‍ അഞ്ചു പേര്‍ വിദേശത്തുനിന്നും രണ്ടു പേര്‍ ചെന്നൈയില്‍നിന്നും വന്നവരാണ്. മൂന്നു പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 141 പേരാണ് ഇപ്പോള്‍ രോഗബാധിതരായി ചികിത്സയിലുള്ളത്. സമ്പര്‍ക്കം വഴി രോഗം സ്ഥിരീകരിച്ച മൂന്നുപേരില്‍ രണ്ടു പേര്‍ പത്തനംതിട്ടയില്‍ രോഗം സ്ഥിരീകരിച്ച മണര്‍കാട് മാലം സ്വദേശിയായ ഡോക്ടറുടെ സമ്പര്‍ക്കപട്ടികയില്‍ ഉണ്ടായിരുന്ന ബന്ധുക്കളാണ്. ഡോക്ടറുമായി സമ്പര്‍ക്കം പുലര്‍ത്തിയവരില്‍ 12 പേര്‍ക്കാണ് ഇതുവരെ ജില്ലയില്‍ രോഗം ബാധിച്ചത്.
സമ്പര്‍ക്കത്തിലൂടെ രോഗം സ്ഥിരീകരിച്ചവര്‍
1 പത്തനംതിട്ടയില്‍ രോഗം സ്ഥിരീകരിച്ച മണര്‍കാട് മാലം സ്വദേശിയായ ഡോക്ടറുടെ ഭാര്യാ സഹോദരന്റെ മകന്‍(6). കാരാപ്പുഴ സ്വദേശിയായ കുട്ടിയുടെ പിതാവിന് നേരത്തെ രോഗം ബാധിച്ചിരുന്നു.
2 പത്തനംതിട്ടയില്‍ രോഗം സ്ഥിരീകരിച്ച മണര്‍കാട് മാലം സ്വദേശിയായ ഡോക്ടറുടെ ഭാര്യാപിതാവ് (75) . എഴുമാന്തുരുത്ത് സ്വദേശിയാണ്, രോഗലക്ഷണങ്ങള്‍ ഇല്ലായിരുന്നു. ഇദ്ദേഹത്തിന്റെ ഭാര്യയ്ക്കും മൂന്ന് മക്കള്‍ക്കും നേരത്തെ രോഗം ബാധിച്ചിരുന്നു.
3. പാലാ മുനിസിപ്പാലിറ്റി ജീവനക്കാരനായ തിരുവാര്‍പ്പ് സ്വദേശി(27). പാലായിലെ ക്വാറന്റയിന്‍ കേന്ദ്രത്തില്‍ ജൂണ്‍ 17 വരെ നോഡല്‍ ഓഫീസര്‍ ആയി ജോലി ചെയ്തിരുന്നു. രോഗലക്ഷണങ്ങള്‍ ഇല്ലായിരുന്നു.
വിദേശത്തുനിന്ന് എത്തിയവര്‍
4 . ദുബായില്‍നിന്ന് ജൂണ്‍ 30ന് എത്തി ഹോം ക്വാറന്റൈനില്‍ കഴിഞ്ഞിരുന്ന രാമപുരം ഏഴാച്ചേരി സ്വദേശിനി (42). വിദേശത്തു വച്ച് നടത്തിയ റാപിഡ് ടെസ്റ്റ് പരിശോധനാ ഫലം നെഗറ്റീവ് ആയിരുന്നു. രോഗലക്ഷണങ്ങള്‍ ഇല്ലായിരുന്നു.
5 സൗദി അറബ്യയില്‍നിന്ന് ജൂലൈ മൂന്നിന് എത്തി പാലായിലെ നിരീക്ഷണകേന്ദ്രത്തില്‍ കഴിഞ്ഞിരുന്ന കിടങ്ങൂര്‍ സ്വദേശി രോഗലക്ഷണങ്ങള്‍ ഉണ്ടായിരുന്നു.
6 ഖത്തറില്‍നിന്ന് ജൂലൈ നാലിന് എത്തി ഹോം ക്വാറന്റൈനില്‍ കഴിഞ്ഞിരുന്ന എരുമേലി സ്വദേശി (39). രോഗലക്ഷണങ്ങള്‍ ഉണ്ടായിരുന്നു.
7.ദുബായില്‍നിന്ന ജൂലൈ രണ്ടിന് എത്തി കുമരകത്തെ നിരീക്ഷണകേന്ദ്രത്തില്‍ കഴിഞ്ഞിരുന്ന വൈക്കം സ്വദേശി (30). രോഗലക്ഷണങ്ങള്‍ ഉണ്ടായിരുന്നു.
8. ദുബായില്‍നിന്ന് ജൂണ്‍ 29ന് എത്തി ഹോം ക്വാറന്റൈനില്‍ കഴിഞ്ഞിരുന്ന വെള്ളൂര്‍ സ്വദേശി (30) രോഗലക്ഷണങ്ങള്‍ ഇല്ലായിരുന്നു. മെയ് 19ന് ദുബായില്‍ വച്ച് രോഗം സ്ഥിരീകരിച്ചിരുന്നു. പത്തു ദിവസം ക്വാറന്റയിനില്‍ കഴിഞ്ഞശേഷം ജോലിയില്‍ പ്രവേശിക്കുകയായിരുന്നു.
ചെന്നൈയില്‍നിന്ന് എത്തിയവര്‍
9 ചെന്നൈയില്‍നിന്ന് ജൂലൈ മൂന്നിന് എത്തി ഹോം ക്വാറന്റൈനില്‍ കഴിഞ്ഞിരുന്ന ചിറക്കടവ് സ്വദേശി (35). റെയില്‍വേ പോലീസ് ഉദ്യോഗസ്ഥനാണ്. രോഗലക്ഷണങ്ങള്‍ ഇല്ലായിരുന്നു.
10. ചെന്നൈയില്‍ നിന്ന് ജൂലൈ 2 നു എത്തി ഹോം ക്വാറന്റൈനില്‍ കഴിഞ്ഞിരുന്ന കൂരോപ്പട കോത്തല സ്വദേശി (14) രോഗ ലക്ഷണങ്ങള്‍ ഇല്ലായിരുന്നു.
