അണ്‍ലോക്ക് 5 നവംബര്‍ 30 വരെ നീട്ടി

കണ്ടൈന്‍മെന്റ് സോണുകളില്‍ ലോക്ക് ഡൗണ്‍ കര്‍ശനമാക്കുന്നത് തുടരും
അണ്‍ലോക്ക് 5 നവംബര്‍ 30 വരെ നീട്ടി

ന്യൂഡല്‍ഹി: കൊവിഡ് 19 പശ്ചാത്തലത്തില്‍ രാജ്യത്ത് പ്രഖ്യാപിച്ച ലോക്ക് ഡൗണ്‍ പിന്‍വലിക്കുന്നതിന്റെ ഭാഗമായുള്ള അണ്‍ലോക്ക് 5 നവംബര്‍ 30 വരെ നീട്ടി. ഇത് സംബന്ധിച്ച ഉത്തരവ് കേന്ദ്ര ആഭ്യന്തരമന്ത്രാലയം പുറത്തിറക്കി.

സെപ്തംബര്‍ 30 നാണ് അണ്‍ലോക്ക് 5 മാനദണ്ഡങ്ങള്‍ പുറപ്പെടുവിത്. ഇതില്‍ നിന്ന് മാറ്റങ്ങളൊന്നും വരുത്തിയിട്ടില്ല.കണ്ടൈന്‍മെന്റ് സോണുകളില്‍ ലോക്ക് ഡൗണ്‍ കര്‍ശനമാക്കുന്നത് തുടരും.

50 ശതമാനം ആളുകള്‍ക്ക് മാത്രം പ്രവേശനം അനുവദിച്ച് സിനിമാഹാളുകള്‍ തുറക്കാനും 200ല്‍ കൂടാതെ ഉള്ള ആളുകളെ ഉള്‍ക്കള്ളിച്ചു കൊണ്ട് മറ്റ് കൂട്ടായ്മകള്‍ നടത്താനും അനുമതി നല്‍കിക്കൊണ്ടാണ് സെപ്റ്റംബറിലെ ഉത്തരവ് കേന്ദ്രസര്‍ക്കാര്‍ പുറപ്പെടുവിച്ചത്. കൺടെയ്ൻമെന്റ് സോണുകളില്‍ ലോക്ഡൗണ്‍ നടപ്പിലാക്കുന്നത് കര്‍ശനമായി തന്നെ തുടരുമെന്നും ഉത്തരവിൽ പറയുന്നുണ്ട്.

കായികതാരങ്ങള്‍ക്ക് പരിശീലിക്കാനുള്ള നീന്തല്‍കുളങ്ങള്‍, വിനോദകേന്ദ്രങ്ങള്‍ എന്നിവ നിയന്ത്രണങ്ങളോടെ തുറക്കാം. ഒക്ടോബര്‍ 15 ന് ശേഷം വിദ്യാഭ്യാസ സ്ഥാപനങ്ങള്‍ തുറന്നുപ്രവര്‍ത്തിപ്പിക്കുന്നതിനെക്കുറിച്ച് സംസ്ഥാനങ്ങള്‍ക്ക് തീരുമാനമെടുക്കാമെന്നും സെപ്തംബര്‍ 30 ലെ നിര്‍ദേശങ്ങളില്‍ പറഞ്ഞിരുന്നു.

Related Stories

Anweshanam
www.anweshanam.com