അണ്‍ലോക്ക് നാലാം ഘട്ടം ഇന്ന് മുതല്‍
Top News

അണ്‍ലോക്ക് നാലാം ഘട്ടം ഇന്ന് മുതല്‍

അണ്‍ലോക്കിന്റെ ഭാഗമായി മെട്രോ സര്‍വീസുകള്‍ ഏഴ് മുതല്‍ ആരംഭിക്കും. പ്രത്യേക കോവിഡ് പ്രോട്ടോക്കോള്‍ പാലിച്ച് വേണം സര്‍ വീസുകള്‍ നടത്താന്‍.

News Desk

News Desk

ന്യൂഡെല്‍ഹി: അണ്‍ലോക്ക് നാലാം ഘട്ടം ഇന്ന് മുതല്‍ നിലവില്‍ വരും. അണ്‍ലോക്കിന്റെ ഭാഗമായി മെട്രോ സര്‍വീസുകള്‍ ഏഴ് മുതല്‍ ആരംഭിക്കും. പ്രത്യേക കോവിഡ് പ്രോട്ടോക്കോള്‍ പാലിച്ച് വേണം സര്‍വീസുകള്‍ നടത്താന്‍. ഈ മാസം 21 മുതല്‍ രാഷ്ട്രീയ, മത, സാംസ്‌കാരിക, കായിക കൂട്ടായ്മകള്‍ക്കും അനുമതി നല്‍കിയിട്ടുണ്ട്. പരമാവധി 100 പേരെ മാത്രമേ കൂട്ടായ്മകളില്‍ അനുവദിക്കു.

ഓപ്പണ്‍ എയര്‍ തിയേറ്ററുകള്‍ 21 മുതല്‍ തുറക്കാം. കണ്ടെയിന്‍മെന്റ് സോണിന് പുറത്ത് പ്രാദേശിക ലോക്ക്ഡൗണ്‍ ഏര്‍പ്പെടുത്താന്‍ സംസ്ഥാനങ്ങള്‍ക്ക് അണ്‍ലോക്ക് നാലില്‍ വിലക്കുണ്ട്. കേന്ദ്രത്തിന്റെ പ്രത്യേക അനുമതിയോടെ മാത്രമേ നിയന്ത്രണങ്ങള്‍ ഏര്‍പ്പെടുത്താനാകൂ.അതേസമയം, രാജ്യത്ത് കോവിഡ് രോഗ ബാധിതരുടെ എണ്ണം മുപ്പത്തിയേഴ് ലക്ഷത്തിലേക്ക് അടുക്കുന്നു. സംസ്ഥാനങ്ങള്‍ പുറത്തുവിട്ട കണക്ക് പ്രകാരം ഇന്നും പ്രതിദിന വര്‍ധന എഴുപതിനായിരത്തിനടുത്തെത്തുമെന്നാണ് സൂചന. മഹാരാഷ്ട്രയില്‍ പ്രതിദിന വര്‍ധനയില്‍ ഇന്നലെ നേരിയ കുറവുണ്ട്. 11853 പേരാണ് ഇന്നലെ മഹാരാഷ്ട്രയില്‍ രോഗബാധിതരായത്.

കഴിഞ്ഞ ദിവസങ്ങളില്‍ 16000 പതിനാറായിരത്തിന് മുകളില്‍ എത്തിയിരുന്നു രോഗ ബാധിതരുടെ എണ്ണം. കര്‍ണാടകത്തില്‍ 6,495 പേര്‍ക്കും, തമിഴ്‌നാട്ടില്‍ 5,956 പേര്‍ക്കും, തെലങ്കാനയില്‍ 1,873 പേര്‍ക്കും ഇന്നലെ രോഗം സ്ഥിരീകരിച്ചിരുന്നു. ഡെല്‍ഹിയില്‍ കഴിഞ്ഞ രണ്ട് ദിവസത്തെ അപേക്ഷിച്ച് രോഗികളുടെ എണ്ണം ഇന്നലെ കുറവാണ്.

Anweshanam
www.anweshanam.com