വാളയാർ, പെരിയ കേസുകളിൽ സിബിഐയെ എതിർത്ത സർക്കാരാണ് സോളാർ കേസ് സിബിഐക്ക് വിടുന്നത്: ചെന്നിത്തല

ഓലപാമ്പ്​ കാണിച്ച്​ യുഡിഎഫിനെ വിരട്ടാൻ നോക്കേണ്ട. തെരഞ്ഞെടുപ്പിൽ തിരിച്ചടിയുണ്ടാവുന്നെ്​ ഉറപ്പായപ്പോഴാണ്​ വീണ്ടും സോളാർ കേസ്​ കുത്തിപൊക്കിയത്
വാളയാർ, പെരിയ കേസുകളിൽ സിബിഐയെ എതിർത്ത സർക്കാരാണ് സോളാർ കേസ് സിബിഐക്ക് വിടുന്നത്: ചെന്നിത്തല

തിരുവനന്തപുരം:​ സോളാർ കേസിന്‍റെ അന്വേഷണം സിബിഐക്ക്​ വിട്ടതിനെതിരെ രൂക്ഷ വിമർശനവുമായി പ്രതിപക്ഷ നേതാവ്​ രമേശ്​ ചെന്നിത്തല. വാളയാർ പീഡനകേസിലും പെരിയ ഇരട്ടകൊലയിലും സിബിഐയെ എതിർത്ത സർക്കാറാണ്​ സോളാർ സിബിഐയെ ഏൽപ്പിക്കുന്നതെന്ന് ചെന്നിത്തല കുറ്റപ്പെടുത്തി.

ബിജെപിയുമായുള്ള രഹസ്യധാരണ പ്രകാരമാണ് കേസ് സിബിഐക്ക് വിട്ടത്. ഓലപാമ്പ്​ കാണിച്ച്​ യുഡിഎഫിനെ വിരട്ടാൻ നോക്കേണ്ട. തെരഞ്ഞെടുപ്പിൽ തിരിച്ചടിയുണ്ടാവുന്നെ്​ ഉറപ്പായപ്പോഴാണ്​ വീണ്ടും സോളാർ കേസ്​ കുത്തിപൊക്കിയത്​. സർക്കാർ നടപടിയെ രാഷ്​ട്രീയമായി നേരിടുമെന്നും ചെന്നിത്തല പറഞ്ഞു.

സോളാർ കേസ്​ സിബിഐക്ക്​ വിടാൻ കഴിഞ്ഞ ദിവസം സർക്കാർ തീരുമാനമെടുത്തിരുന്നു. സോളാർ സംബന്ധിച്ച ആറ്​ പീഡന കേസുകളാണ്​ സിബിഐക്ക്​ വിടാൻ സർക്കാർ തീരുമാനം എടുത്തത്​. കേസ്​ സംബന്ധിച്ച്​ ഇര മുഖ്യമന്ത്രി പിണറായി വിജയന്​ പരാതി നൽകിയിരുന്നു. ഇത് പരിഗണിച്ചാണ്​ നടപടി.​ ഉമ്മൻ​ ചാണ്ടി, കെ.സി.വേണുഗോപാൽ, എ.പി. അനിൽകുമാർ, അടൂർ പ്രകാശ്​, അബ്​ദുല്ലക്കുട്ടി, ഹൈബി ഈഡൻ തുടങ്ങിവർക്കെതിരായ ആറ്​ കേസുകളാണ്​ സിബിഐക്ക് വിടുന്നത്​.

AD
No stories found.
Anweshanam അന്വേഷണം
www.anweshanam.com