പാർലമെന്റ് സമ്മേളനം വെട്ടിച്ചുരുക്കല്‍; ഇന്ന് തീരുമാനമാകും

പ്രതിപക്ഷം ഇന്നും രണ്ട് സഭകളും ബഹിഷ്കരിക്കും.
പാർലമെന്റ് സമ്മേളനം വെട്ടിച്ചുരുക്കല്‍; ഇന്ന് തീരുമാനമാകും

ന്യൂ ഡല്‍ഹി: പാർലമെന്റ് സമ്മേളനം വെട്ടിച്ചിരുക്കുന്ന കാര്യത്തിൽ ഇന്ന് തീരുമാനം വന്നേക്കും. ഇരു സഭകളും അനിശ്ചിതകാലത്തേക്ക് പിരിയണോ എന്ന് ഇന്ന് തീരുമാനിക്കുമെന്ന് സർക്കാർ വൃത്തങ്ങൾ വ്യക്തമാക്കി. പ്രതിപക്ഷം ഇന്നും രണ്ട് സഭകളും ബഹിഷ്കരിക്കും.

പ്രതിപക്ഷത്തിന്റെ അസാന്നിധ്യത്തിൽ ഇന്നലെ രാജ്യസഭ 7 ബില്ലുകളും, ലോക്സഭ പ്രധാന തൊഴിൽ, നിയമ ഭേദഗതികളും പാസാക്കിയിരുന്നു. വിദേശത്ത് നിന്ന് സംഭാവന സ്വീകരിക്കുന്നത് നിയന്ത്രിക്കുന്ന നിയമത്തിലെ ഭേദഗതി ഇന്ന് രാജ്യസഭയിൽ പാസാക്കും. ഇതിനിടെ രാജ്യസഭയിൽ നടന്ന ബഹളത്തിൽ അമർഷവും വേദനയുമറിയിച്ച് ഉപാധ്യക്ഷൻ ഹരിവംശ് രാഷ്ട്രപതിക്ക് കത്തെഴുതി.

Related Stories

Anweshanam
www.anweshanam.com