ഇന്ത്യ - അമേരിക്ക തന്ത്രപ്രധാനമായ ടു പ്ലസ് ടു ചര്‍ച്ചയ്ക്ക് ഇന്ന് ഡൽഹിയിൽ തുടക്കം

ഇരു അമേരിക്കൻ പ്രതിനിധികളും ഇന്ത്യൻ പ്രധാനമന്ത്രി നരേന്ദ്രമോദി, ദേശീയ സുരക്ഷാ ഉപദേഷ്ടാവ് അജിത് ഡോവല്‍ എന്നിവരുമായി സംസാരിക്കും
ഇന്ത്യ - അമേരിക്ക തന്ത്രപ്രധാനമായ ടു പ്ലസ് ടു ചര്‍ച്ചയ്ക്ക് ഇന്ന് ഡൽഹിയിൽ തുടക്കം

ന്യൂഡൽഹി: ഇന്ത്യയും അമേരിക്കയും തമ്മിലുള്ള തന്ത്രപ്രധാനമായ ടു പ്ലസ് ടു ചര്‍ച്ചയ്ക്ക് ഇന്ന് ഡൽഹിയിൽ തുടക്കം. ഈ മാസം 27 വരെയാണ് ഇരു രാജ്യങ്ങളും തമ്മിലുള്ള ചര്‍ച്ച. ചര്‍ച്ചയില്‍ ഇന്ത്യൻ‌ പ്രതിരോധ മന്ത്രി രാജ്നാഥ് സിങ്ങ്, വിദേശകാര്യ മന്ത്രി എസ്. ജയശങ്കര്‍, അമേരിക്കന്‍ വിദേശകാര്യ സെക്രട്ടറി മൈക്ക് പോംപിയോ, അമേരിക്കന്‍ പ്രതിരോധ സെക്രട്ടറി എന്നിവര്‍ പങ്കെടുക്കും.

ഇരു അമേരിക്കൻ പ്രതിനിധികളും ഇന്ത്യൻ പ്രധാനമന്ത്രി നരേന്ദ്രമോദി, ദേശീയ സുരക്ഷാ ഉപദേഷ്ടാവ് അജിത് ഡോവല്‍ എന്നിവരുമായി സംസാരിക്കും. ചര്‍ച്ചയില്‍ ആഗോള മേഖല നിലപാടുകള്‍, പ്രതിരോധം, നാവിക സഹകരണം, സാങ്കേതികവിദ്യ, തീവ്രവാദം ചെറുക്കല്‍ തുടങ്ങിയവ ചര്‍ച്ചയുടെ അജണ്ടയാണ്.

also read: ഇന്ത്യ- യുഎസ് ടു പ്ലസ് ടു ചര്‍ച്ച ഈ മാസം നടക്കുമെന്ന് റിപ്പോര്‍ട്ട്

കോവിഡ് 19 വാക്‌സിന്‍ വികസനത്തിനുള്ള സഹകരണവും, ഐക്യരാഷ്ട്രസഭയില്‍ പങ്കാളിത്തം ശക്തിപ്പെടുത്തലും ചര്‍ച്ചയില്‍ വിഷയമാകും. കൂടാതെ അമേരിക്കന്‍ ഉപഗ്രഹനിരീക്ഷണ സംവിധാനം അടക്കം പ്രയോജനപ്പെടുത്താനുള്ള ബെക്ക കരാറിന് ചര്‍ച്ചയില്‍ അന്തിമരൂപം നല്‍കും.

also read: ഇന്ത്യ - യു എസ് ടു പ്ലസ് ടു സംഭാഷണം തയ്യാറെടുപ്പുകൾ തുടങ്ങി

ഇന്ത്യ ചൈനുമായി അതിര്‍ത്തി തര്‍ക്കം നിലനില്‍ക്കെയാണ് ചർച്ച എന്നത് ശ്രദ്ദേയമാണ്. അമേരിക്കന്‍ പ്രസിഡന്റ് തെരഞ്ഞെടുപ്പും ചര്‍ച്ചക്കിടെ നടക്കുന്നുണ്ട്. 2018 സെപ്തംബര്‍ ആറിന് ഡൽഹിയില്‍ വച്ചായിരുന്നു ആദ്യ ടു പ്ലസ് ടു ചര്‍ച്ച നടന്നത്. രണ്ടാം പതിപ്പ് കഴിഞ്ഞ വര്‍ഷം ഡിസംബറില്‍ വാഷിംഗ്ടണില്‍ നടന്നു.

Related Stories

Anweshanam
www.anweshanam.com