ബിനീഷ് കോടിയേരിയെ കോടതിയില്‍ ഹാജരാക്കും; ജാമ്യ ഹർജിയും ഇന്ന് പരിഗണിക്കും

തുടര്‍ച്ചയായി 11 ദിവസമാണ് ബിനീഷിനെ ഇഡി ചോദ്യം ചെയ്തത്. കസ്റ്റഡിയില്‍ അവസാന ദിവസമാണ് ഇന്ന്
ബിനീഷ് കോടിയേരിയെ കോടതിയില്‍ ഹാജരാക്കും; ജാമ്യ ഹർജിയും ഇന്ന് പരിഗണിക്കും

ബെംഗളൂരു: സാമ്പത്തിക തട്ടിപ്പ് കേസിൽ കസ്റ്റഡിയിലുള്ള ബിനീഷ് കോടിയേരിയെ ഇഡി ഇന്ന് വീണ്ടും കോടതിയില്‍ ഹാജരാക്കും. ബിനീഷിന്‍റെ ജാമ്യാപേക്ഷയും ഇന്ന് കോടതി പരിഗണിക്കുന്നുണ്ട്. ഉച്ചയോടെ ബെംഗളൂരു സെഷന്‍സ് കോടതിയിലാണ് ഹാജരാക്കുന്നത്.

തുടര്‍ച്ചയായി 11 ദിവസമാണ് ബിനീഷിനെ ഇഡി ചോദ്യം ചെയ്തത്. കസ്റ്റഡിയില്‍ അവസാന ദിവസമാണ് ഇന്ന്. ബിനീഷിന്‍റെ ജാമ്യാപേക്ഷയും ഇന്ന് കോടതി പരിഗണിക്കുന്നുണ്ട്. ജാമ്യാപേക്ഷയെ എതിര്‍ത്തുകൊണ്ട് ബിനീഷിനെതിരെ കൂടുതല്‍ തെളിവുകള്‍ ഇഡി കോടതിയില്‍ ഹാജരാക്കിയേക്കും. ബിനീഷ് കസ്റ്റഡിയിലിരിക്കെ ഫോണടക്കമുള്ള സൗകര്യങ്ങള്‍ ഉപയോഗിച്ചതും കോടതിയെ അറിയിച്ചേക്കും.

അതേസമയം, ബിനീഷിനെ ചോദ്യം ചെയ്യുന്നതിനായി കസ്റ്റഡ‍ിയില്‍ ലഭിക്കാന്‍ എന്‍സിബിയും കോടതിയില്‍ അപേക്ഷ നല്‍കുമെന്നാണ് വിവരം. കഴിഞ്ഞയാഴ്ച നല്‍കിയ അപേക്ഷ ഇഡി കസ്റ്റഡി നീട്ടിനല്‍കാന്‍ ആവശ്യപ്പെട്ടപ്പോഴാണ് എന്‍സിബി പിന്‍വലിച്ചത്.

Related Stories

Anweshanam
www.anweshanam.com