കൊളംബിയ ഏഷ്യ ഹോസ്പിറ്റലിന്റെ 100 ശതമാനം ഓഹരികളും മണിപ്പാല്‍ ഹോസ്പിറ്റല്‍സ് ഏറ്റെടുത്തു

14 നഗരങ്ങളിലായി 26 ആശുപത്രികളില്‍ 4000-ത്തില്‍ അധികം ഡോക്ടര്‍മാരുടേയും 10,000-ത്തില്‍ ജീവനക്കാരുടേയും അംഗബലവുമായി മണിപ്പാല്‍ ഹോസ്പിറ്റല്‍സ് പ്രവര്‍ത്തനം വ്യാപിക്കും
കൊളംബിയ ഏഷ്യ ഹോസ്പിറ്റലിന്റെ 100 ശതമാനം ഓഹരികളും മണിപ്പാല്‍ ഹോസ്പിറ്റല്‍സ് ഏറ്റെടുത്തു

ബംഗളുരു: കൊളംബിയ ഏഷ്യ ഹോസ്പിറ്റല്‍ പ്രൈവറ്റ് ലിമിറ്റഡിന്റെ (കൊളംബിയ ഏഷ്യ) 100 ശതമാനം ഓഹരികളും മണിപ്പാല്‍ ഹോസ്പിറ്റല്‍സ് ഏറ്റെടുത്തു. എല്ലാ നിയമപരമായ അനുമതികളും ലഭിച്ചതിനെ തുടര്‍ന്നാണ് ഏറ്റെടുക്കല്‍ പൂര്‍ത്തിയായത്. ഇന്ത്യയിലെ ഏറ്റവും വലിയ രണ്ടാമത്തെ മള്‍ട്ടി-സ്‌പെഷ്യാലിറ്റി ആശുപത്രി ശൃംഖലയായി മണിപ്പാല്‍ ഹോസ്പിറ്റല്‍ ഈ ഏറ്റെടുക്കലോടു കൂടി മാറി. മണിപ്പാല്‍ ഹോസ്പിറ്റല്‍സിന്റെ ശക്തമായ ക്ലിനിക്കല്‍ അനുഭവപരിജ്ഞാനവും സേവനങ്ങളുടെ വ്യാപ്തിയും കൊളംബിയ ഏഷ്യയുടെ ക്ലിനിക്കലും മറ്റു സേവനങ്ങളുടെ ഗുണനിലവാരവും ലയിച്ചുചേര്‍ന്ന സ്ഥാപനം രാജ്യത്ത് വര്‍ദ്ധിച്ചു വരുന്ന ഗുണനിലവാരമുള്ള മൂന്നാം ഘട്ട, നാലാംഘട്ട ആരോഗ്യപരിരക്ഷാ ആവശ്യങ്ങളെ അഭിസംബോധന ചെയ്യാന്‍ പ്രാപ്തമാണ്.

പ്രമുഖ ആരോഗ്യപരിരക്ഷാ ദാതാക്കളായ രണ്ട് സ്ഥാപനങ്ങള്‍ ഒന്നായി പ്രവര്‍ത്തിക്കുന്നതിനുള്ള എല്ലാ നിയമപരമായ പ്രക്രിയകളും പൂര്‍ത്തിയായതില്‍ തങ്ങള്‍ സന്തുഷ്ടരാണെന്ന് മണിപ്പാല്‍ എഡ്യൂക്കേഷന്‍ ആന്റ് മെഡിക്കല്‍ ഗ്രൂപ്പ് (എംഇഎംജി) ചെയര്‍മാന്‍ ഡോ രഞ്ജന്‍ പൈ പറഞ്ഞു. ഞങ്ങളുടെ എല്ലാ രോഗികള്‍ക്കും ലോകോത്തര ചികിത്സാനുഭവം നല്‍കുന്നതിനായി രണ്ട് സംവിധാനങ്ങളിലുമുള്ള മികച്ചതിനെ സ്വാംശീകരിച്ചു കൊണ്ടുള്ള കൂടിച്ചേരലിലാണ് ഇപ്പോഴത്തെ ശ്രദ്ധ. മണിപ്പാല്‍ കുടുംബത്തിലേക്ക് കൊളംബിയ ഏഷ്യ ഹോസ്പിറ്റലിന്റെ മുഴുവന്‍ ടീമിനേയും ഞാന്‍ ഒരിക്കല്‍ കൂടി സ്വാഗതം ചെയ്യുന്നു, അദ്ദേഹം പറഞ്ഞു.

കൊളംബിയ ഏഷ്യയെ ഏറ്റെടുക്കുന്നതിലൂടെ മണിപ്പാല്‍ ഹോസ്പിറ്റല്‍സിന്റെ ദേശീയ തലത്തിലെ സാന്നിദ്ധ്യം വര്‍ദ്ധിപ്പിക്കാന്‍ സാധിക്കും. ലയനത്തോടെ മണിപ്പാല്‍ ഹോസ്പിറ്റല്‍സിന് കീഴില്‍ 14 നഗരങ്ങളിലായി 26 ആശുപത്രികള്‍ വരും. 7000-ല്‍ അധികം കിടക്കകളും 4000-ത്തില്‍ അധികം ഡോക്ടര്‍മാരും 10,000-ല്‍ അധികം ജീവനക്കാരും അടങ്ങിയ പ്രതിഭാസമ്പത്തുള്ള ആശുപത്രി ശൃംഖലയായി മണിപ്പാല്‍. വര്‍ഷം നാല് മില്ല്യണ്‍ രോഗികളെ ചികിത്സിക്കുന്ന ഈ ആശുപത്രി ശൃംഖ ഇന്ന് രാജ്യത്തെ ഏറ്റവും വലിയ ആരോഗ്യപരിരക്ഷാ സേവനദാതാക്കളുടെ കൂട്ടത്തിലാണുള്ളത്.

രണ്ട് സ്ഥാപനങ്ങളിലും അധിഷ്ഠിതമായിട്ടുള്ള ക്ലിനിക്കല്‍, സേവന മികവുകള്‍ കൂടുതല്‍ രോഗികള്‍ക്ക് സേവനം നല്‍കുന്നതിലേക്ക് നയിക്കുമെന്നതിനാല്‍ മണിപ്പാല്‍, കൊളംബിയ ഏഷ്യ കൂട്ടുക്കെട്ടിനെ താന്‍ വളരെയധികം ആവേശത്തോടെയാണ് കാണുന്നതെന്ന് കൊളംബിയ പെസിഫിക് മാനേജ്‌മെന്റ് ചെയര്‍മാനായ ഡാന്‍ ബാട്ടി പറഞ്ഞു.

ബംഗളുരുവിലെ ഹെബ്ബാളില്‍ 2005-ല്‍ കൊളംബിയ ഏഷ്യ ഹോസ്പിറ്റല്‍സിന് ബംഗളുരു, മൈസൂര്‍, കൊല്‍ക്കത്ത, ഗുരുഗ്രാം, ഗാസിയാബാദ്, പട്യാല, പൂനെ എന്നീ നഗരങ്ങളിലെ 11 ആശുപത്രികളിലായി 1300 കിടക്കകളും 1200 ഡോക്ടര്‍മാരും 4000 ജീവനക്കാരും ഉണ്ട്.

No stories found.
Anweshanam അന്വേഷണം
www.anweshanam.com