കോട്ടയം ജില്ലയില്‍ 6 പേര്‍ക്ക് കോവിഡ് 19 സ്ഥിരീകരിച്ചു ; ആകെ രോഗികള്‍ 109
Kottayam

കോട്ടയം ജില്ലയില്‍ 6 പേര്‍ക്ക് കോവിഡ് 19 സ്ഥിരീകരിച്ചു ; ആകെ രോഗികള്‍ 109

ജില്ലയില്‍ ആകെ 267 പേര്‍ രോഗബാധിതരായി. ഇതില്‍ 158 പേര്‍ രോഗമുക്തരായി

By News Desk

Published on :

കോട്ടയം: ജില്ലയില്‍ പുതിയതായി ആറു പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ രണ്ടു പേര്‍ വിദേശത്തുനിന്നും നാലു പേര്‍ മറ്റു സംസ്ഥാനങ്ങളില്‍നിന്നും എത്തിയവരാണ്. രണ്ടു പേര്‍ക്ക് രോഗലക്ഷണങ്ങള്‍ ഉണ്ടായിരുന്നു. ജില്ലയില്‍ 11 പേര്‍ രോഗമുക്തരായി. 109 പേരാണ് ഇപ്പോള്‍ വൈറസ് ബാധിച്ച് ചികിത്സയിലുള്ളത്. പാലാ ജനറല്‍ ആശുപത്രി-35 , കോട്ടയം ജനറല്‍ ആശുപത്രി-33, കോട്ടയം മെഡിക്കല്‍ കോളേജ് ആശുപത്രി -25, മുട്ടമ്പലം ഗവണ്‍മെന്റ് വര്‍ക്കിംഗ് വിമന്‍സ് ഹോസ്റ്റലിലെ പ്രാഥമിക പരിചരണ കേന്ദ്രം- 14, എറണാകുളം മെഡിക്കല്‍ കോളേജ് ആശുപത്രി-1, മഞ്ചേരി മെഡിക്കല്‍ കോളേജ് ആശുപത്രി-1 എന്നിങ്ങനെയാണ് വിവിധ കേന്ദ്രങ്ങളില്‍ ചികിത്സയില്‍ കഴിയുന്നവരുടെ കണക്ക്.

ഇതുവരെ ജില്ലയില്‍ ആകെ 267 പേര്‍ രോഗബാധിതരായി. ഇതില്‍ 158 പേര്‍ രോഗമുക്തരായി.

രോഗം സ്ഥിരീകരിച്ചവര്‍

1. ജൂണ്‍ 14ന് ഡല്‍ഹിയില്‍നിന്ന് വിമാനത്തില്‍ എത്തി ഹോം ക്വാറന്റയിനില്‍ കഴിഞ്ഞിരുന്ന വാഴൂര്‍ സ്വദേശിനി(28). രോഗ ലക്ഷണങ്ങള്‍ ഉണ്ടായിരുന്നു. വിമാനത്താവളത്തിൽനിന്നും വീട്ടിലേക്കുള്ള യാത്രയില്‍ ടാക്‌സിയില്‍ ഒപ്പമുണ്ടായിരുന്ന യുവതിക്ക് പത്തനംതിട്ടയില്‍ ജൂണ്‍ 30ന് രോഗം സ്ഥിരീകരിച്ചിരുന്നു.

2. മധ്യപ്രദേശില്‍നിന്നും സ്വകാര്യ ബസില്‍ ജൂണ്‍ 18ന് എത്തി ഹോം ക്വാറന്റയിനില്‍ കഴിഞ്ഞിരുന്ന അയര്‍ക്കുന്നം സ്വദേശി(32). യാത്രയില്‍ ഒപ്പമുണ്ടായിരുന്ന കുടുംബാംഗങ്ങളായ നാലു പേരുടെ പരിശോധനാ ഫലം നെഗറ്റീവാണ്.

3. ഡല്‍ഹിയില്‍നിന്നും ട്രെയിനില്‍ ജൂണ്‍ 23ന് എത്തി ക്വാറന്റയിനില്‍ കഴിഞ്ഞിരുന്ന പായിപ്പാട് സ്വദേശി(44).

4. രോഗം സ്ഥിരീകരിച്ച പായിപ്പാട് സ്വദേശിക്കൊപ്പം ഡല്‍ഹിയില്‍നിന്നെത്തി ക്വാറന്റയിനില്‍ കഴിഞ്ഞിരുന്ന മകന്‍(13).

5. സൗദി അറേബ്യയില്‍നിന്നും ജൂണ്‍ 20ന് എത്തി ഹോം ക്വാറന്റയിനില്‍ കഴിഞ്ഞിരുന്ന പനച്ചിക്കാട് സ്വദേശി(32). ഒപ്പമെത്തിയ ഭാര്യയുടെ പരിശോധനാ ഫലം നെഗറ്റീവാണ്.

6. ദുബായില്‍നിന്നും ജൂണ്‍ 21ന് എത്തി പനച്ചിക്കാട്ടെ വീട്ടില്‍ ക്വാറന്റയിനില്‍ കഴിഞ്ഞിരുന്ന ആലപ്പുഴ സ്വദേശി(33). തിരുവനന്തപുരം വിമാനത്താവളത്തില്‍നിന്നും കോട്ടയത്തേക്കുള്ള ടാക്‌സിയില്‍ ഒപ്പമുണ്ടായിരുന്ന യുവാവിന്റെ സാമ്പിള്‍ പരിശോധനയ്ക്ക് അയച്ചിട്ടുണ്ട്.

രോഗമുക്തരായവര്‍

  1. മംഗലാപുരത്തുനിന്ന് എത്തി ജൂണ്‍ 27ന് രോഗം സ്ഥിരീകരിച്ച വെള്ളാവൂര്‍ സ്വദേശി (21)

  2. ദുബായില്‍നിന്ന് എത്തി ജൂണ്‍ 26ന് രോഗം സ്ഥിരീകരിച്ച കറുകച്ചാല്‍ സ്വദേശി (34)

  3. ഡല്‍ഹിയില്‍നിന്ന് എത്തി ജൂണ്‍ 26ന് രോഗം സ്ഥിരീകരിച്ച അതിരമ്പുഴ സ്വദേശിനി (30)

  4. മുംബൈയില്‍നിന്ന് എത്തി ജൂണ്‍ 22ന് രോഗം സ്ഥിരീകരിച്ച തൃക്കൊടിത്താനം സ്വദേശിയായ ആണ്‍കുട്ടി (12)

  5. ഡല്‍ഹിയില്‍നിന്ന് എത്തി ജൂണ്‍ 24 ന് രോഗം സ്ഥിരീകരിച്ച കല്ലറ സ്വദേശി (42)

  6. സൗദി അറേബ്യയില്‍നിന്ന് എത്തി ജൂണ്‍ 24ന് രോഗം സ്ഥിരീകരിച്ച പാമ്പാടി സ്വദേശി (52)

  7. മുംബൈയില്‍ നിന്ന് എത്തി ജൂണ്‍ 15ന് രോഗം സ്ഥിരീകരിച്ച പായിപ്പാട് സ്വദേശി (48)

  8. അഹമ്മദാബാദില്‍നിന്ന് എത്തി ജൂണ്‍ 17ന് രോഗം സ്ഥിരീകരിച്ച കാണക്കാരി സ്വദേശി (29)

  9. ദുബായില്‍നിന്ന് എത്തി ജൂണ്‍ 23ന് രോഗം സ്ഥിരീകരിച്ച നാട്ടകം സ്വദേശിനി (20)

  10. കുവൈറ്റില്‍നിന്ന് എത്തി ജൂണ്‍ 26ന് രോഗം സ്ഥിരീകരിച്ച വിജയപുരം സ്വദേശി (23)

  11. കുവൈറ്റില്‍നിന്ന് എത്തി ജൂണ്‍ 26ന് രോഗം സ്ഥിരീകരിച്ച കുമരകം സ്വദേശിനി (16)

Anweshanam
www.anweshanam.com