നേ​മ​ത്ത് ല​ക്ഷ്യം ഒ​ന്നാം സ്ഥാ​നം; മത്സരിക്കുന്നത് ബിജെപിയെ ദുര്‍ബലപ്പെടുത്താന്‍: ​മു​ര​ളീ​ധ​ര​ന്‍

നല്ലവിജയ പ്രതീക്ഷയുണ്ടെന്നും മുരളീധരന്‍ വ്യക്തമാക്കി
നേ​മ​ത്ത് ല​ക്ഷ്യം ഒ​ന്നാം സ്ഥാ​നം; മത്സരിക്കുന്നത് ബിജെപിയെ ദുര്‍ബലപ്പെടുത്താന്‍: ​മു​ര​ളീ​ധ​ര​ന്‍

തിരുവനന്തപുരം: നിയമസഭാ തിരഞ്ഞെടുപ്പില്‍ നേമം കീഴടക്കുമെന്ന് യു.ഡി.എഫ് സ്ഥാനാര്‍ത്ഥി കെ.മുരളീധരന്‍ പറഞ്ഞു. ഒന്നാംസ്ഥാനം മാത്രമാണ് ലക്ഷ്യമിടുന്നതെന്നും രണ്ടുംമൂന്നും സ്ഥാനങ്ങള്‍ ആര്‍ക്കായിരിക്കും എന്ന് ചിന്തിക്കുന്നില്ലെന്നും അദ്ദേഹം പറഞ്ഞു. കോണ്‍ഗ്രസായിട്ട് ബി.ജെ.പിക്ക് എവിടേയും ഇടമുണ്ടാക്കിക്കൊടുക്കില്ല. നേമത്ത് ബി.ജെ.പിയുടെ ഇടമില്ലാതാക്കാനാണ് പോരാട്ടത്തിനിറങ്ങിയിരിക്കുന്നതെന്നും അദ്ദേഹം പറഞ്ഞു

"കഴിഞ്ഞ ലോക്‌സഭാ തിരഞ്ഞെടുപ്പില്‍ 47,000ത്തില്‍പ്പരം വോട്ടുകള്‍ ശശി തരൂരിന് ലഭിച്ചിട്ടുണ്ട്. നിലവില്‍ നേമത്ത് ത്രികോണ മത്സരം നടക്കുന്ന സാഹചര്യത്തില്‍ 50,000 മുതല്‍ 55,000 വരെ വോട്ടുകള്‍ ലഭിക്കുന്ന സ്ഥാനാര്‍ഥിക്ക് ജയിക്കാനാകും. ഞങ്ങള്‍ 60,000 വോട്ടുകളാണ് ലക്ഷ്യമിട്ടിരിക്കുന്നത്." - മുരളീധരന്‍ പറഞ്ഞു.

യു.ഡി.എഫിന്റെ ബൂത്തുതലം മുതല്‍ക്കുളള പ്രവര്‍ത്തനങ്ങള്‍ ശക്തമാണ്. നല്ലവിജയ പ്രതീക്ഷയുണ്ടെന്നും മുരളീധരന്‍ വ്യക്തമാക്കി.

No stories found.
Anweshanam അന്വേഷണം
www.anweshanam.com