തിരുവനന്തപുരം: സംസ്ഥാനത്ത് കോവിഡ് വാക്സിന് സൗജന്യമായി നല്കുമെന്നു മുഖ്യമന്ത്രി പിണറായി വിജയന്. എത്രമാത്രം വാക്സിന് കേരളത്തിനു ലഭ്യമാകുമെന്ന് ഉറപ്പില്ല. എന്നാല് കേരളത്തില് നല്കുന്ന വാക്സിന് സൗജന്യമായിട്ടായിരിക്കും. ആരില് നിന്നും കാശ് ഈടാക്കാന് സര്ക്കാര് ഉദ്ദേശിക്കുന്നില്ലെന്നും വാര്ത്താസമ്മേളനത്തില് ചോദ്യത്തിനു മറുപടിയായി മുഖ്യമന്ത്രി പറഞ്ഞു.
സംസ്ഥാനത്ത് കോവിഡ് രോഗികളുടെ എണ്ണം കുറയുന്നത് ആശ്വാസകരമാണ്. തദ്ദേശ തെരഞ്ഞെടുപ്പ് കോവിഡ് വ്യാപനത്തിന് ഇടയാക്കിയില്ലെങ്കില് ഈ നില തുടരും. പ്രതിദിന മരണത്തിന്റെ എണ്ണം അല്പം വര്ധിക്കുന്നുണ്ട്. മൂന്നു മാസത്തിനപ്പുറം വരെ തുടരുന്ന കോവഡ് അനന്തര അവശതകള് കാണുന്നുണ്ട്. ഇങ്ങനെയുള്ളവര് സര്ക്കാരിന്റെ പോസ്റ്റ് കോവിഡ് ട്രീറ്റ്മെന്റ് സെന്ററുകളില് നിന്നു ചികിത്സ തേടണമെന്നു മുഖ്യമന്ത്രി പറഞ്ഞു.
ജാഗ്രതയില് വീഴ്ച വരുത്തിയാല് സ്ഥതിഗതികള് മോശമായേക്കാം. സാധാരണഗതിയില് കോവിഡ് ബാധിതരായതിനു ശേഷവും ചില ശാരീരിക അസ്വസ്ഥതകള് കാണിക്കാന് ഇടയുണ്ടെന്നും മുഖ്യമന്ത്രി പറഞ്ഞു.
Comments