സംസ്ഥാനത്ത് കോവിഡ് സമൂഹ വ്യാപനമുണ്ട്: ഐ.എം.എ

സംസ്ഥാനത്ത് രോഗ ഉറവിടമറിയാത്തതായി എണ്‍പതോളം കേസുകളാണ് റിപ്പോര്‍ട്ട് ചെയ്തത്
സംസ്ഥാനത്ത് കോവിഡ് സമൂഹ വ്യാപനമുണ്ട്: ഐ.എം.എ

തിരുവനന്തപുരം: കേരളത്തില്‍ കോവിഡ് സമൂഹ വ്യാപനമുണ്ടെന്ന് ഐഎംഎ പ്രസിഡന്റ് ഡോ. എബ്രഹാം വര്‍ഗീസ്. സംസ്ഥാനത്ത് സമൂഹവ്യാപനമുണ്ടെന്നത് യാഥാര്‍ഥ്യമാണ്. സംസ്ഥാനത്ത് ഉറവിടമറിയാത്ത കേസുകള്‍ വര്‍ധിക്കുകയാണ്. കോവിഡ് രോഗികളെ ചികിത്സിക്കാത്ത ആരോഗ്യ പ്രവര്‍ത്തകര്‍ക്കും വൈറസ് ബാധ സ്ഥിരീകരിക്കുന്നത് ശ്രദ്ധിക്കണം. ആരോഗ്യ പ്രവര്‍ത്തകരുടെ ടെസ്റ്റ് വര്‍ധിപ്പിക്കണമെന്നും കേരളത്തില്‍ നടപ്പാക്കിയ ഇളവുകള്‍ അപകടമുണ്ടാക്കുന്നില്ലെന്ന് ഉറപ്പാക്കണമെന്നും എബ്രഹാം വര്‍ഗീസ് കൂട്ടിച്ചേര്‍ത്തു.

സംസ്ഥാനത്ത് രോഗ ഉറവിടമറിയാത്തതായി എണ്‍പതോളം കേസുകളാണ് റിപ്പോര്‍ട്ട് ചെയ്തത്. ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിക്കുന്നുണ്ട്. എടപ്പാളില്‍ സെന്റിനല്‍ സര്‍വെയ്ലന്‍സ് ടെസ്റ്റ് നടത്തിയിരുന്നു. ഇതിന്റെ പരിശോധനാ ഫലം വരാന്‍ പത്ത് ദിവസമെടുത്തു. സാധാരണ ഗതിയില്‍ പത്ത് ദിവസം എടുക്കാറില്ല. ഈ പത്ത് ദിവസവും ഇവര്‍ രോഗികളെ കണ്ടിട്ടുണ്ട്. കോവിഡ് രോഗികളെ ചികിത്സിക്കാത്ത ആരോഗ്യ പ്രവര്‍ത്തകര്‍ക്കും വൈറസ് സ്ഥിരീകരിക്കുന്നുണ്ടെങ്കില്‍ അപകടസാധ്യത തള്ളിക്കളയാനാകില്ലെന്നും ഐഎംഎ പ്രസിഡന്റ് എബ്രഹാം വര്‍ഗീസ് കൂട്ടിച്ചേര്‍ത്തു.കേരളത്തില്‍ സമ്പര്‍ക്കത്തിലൂടെ കോവിഡ് സ്ഥിരീകരിക്കുന്നവരുടെ എണ്ണം ദിനം പ്രതി വര്‍ധിച്ചുവരകിയാണ്. ഇന്നലെ സമ്പര്‍ക്കം വഴി 27 പേര്‍ക്കാണ് കോവിഡ് സ്ഥിരീകരിച്ചിരിക്കുന്നത്. തിരുവനന്തപുരത്തും, എറണാകുളത്തും, പൊന്നാനിയിലും സ്ഥിതിഗതികള്‍ രൂക്ഷമായി തുടരുന്നതിനിടെയാണ് ഐഎംഎ പ്രസിഡന്റ് ഡോ.. എബ്രഹാം വര്‍ഗീസിന്റെ പ്രസ്താവന

Related Stories

Anweshanam അന്വേഷണം
www.anweshanam.com