കോട്ടയം: കെ. ആര് ഗൗരിയമ്മയുടെ വിയോഗത്തില് അനുശോചനം രേഖപ്പെടുത്തി ജോസ് കെ മാണി. അവസാനിച്ചത് കരുത്തിന്റെയും സഹാനുഭൂതിയുടെയും രാഷ്ട്രീയ യുഗമാണെന്ന് കേരള കോണ്ഗ്രസ് എം ചെയര്മാന് ജോസ് കെ മാണി പറഞ്ഞു.
കെ. ആര്. ഗൗരിയമ്മ ഓര്മ്മയായെങ്കിലും ആ ജീവിതം കേരള ചരിത്രത്തില് എക്കാലവും അപൂര്വ ശോഭയോടെ നിലനില്ക്കുമെന്ന് അദ്ദേഹം കൂട്ടിച്ചേര്ത്തു. അശരണര്ക്കും അടിസ്ഥാന വര്ഗത്തിനും കര്ഷക തൊഴിലാളികള്ക്കും വേണ്ടി ജീവിച്ച പോരാളിയാണ് ഗൗരിയമ്മയെന്നും കേരള രാഷ്ട്രീയത്തിന് നഷ്ടമായത് ജനങ്ങളെ മക്കളെ പോലെ ചേര്ത്ത് നിര്ത്തിയ അമ്മയെയാണെന്നും ജോസ് കെ മാണി പറഞ്ഞു. മാണി സാറുമായി ഏറെ അടുപ്പം പുലര്ത്തിയിരുന്ന ഗൗരിയമ്മയുമായി ഞങ്ങള്ക്കുള്ളത് ഒരമ്മയുടെ ബന്ധമാണ്. കേരളത്തിന്റെ ചരിത്രം എന്നും ഗൗരിയമ്മയോട് കടപ്പെട്ടിരിക്കും എന്ന കാര്യത്തില് സംശയമില്ല. അതേസമയം, അയ്യങ്കാളി ഹാളിലെത്തി ജോസ് കെ മാണി ഗൗരിയമ്മക്ക് അന്തിമോപചാരം അര്പ്പിച്ചു.
Comments