സി.പി.എം നേതാവിന്റെ വീട് ഒരു സംഘം മണ്ണുമാന്തി യന്ത്രം കൊണ്ട് തകർത്തു

സി.പി.എം നേതാവിന്റെ വീട് ഒരു സംഘം മണ്ണുമാന്തി യന്ത്രം കൊണ്ട് തകർത്തു

കാസർഗോഡ്: കുമ്പളയിലെ സി.പി.എം നേതാവിൻെറ വീട് ഒരു സംഘം മണ്ണുമാന്തി യന്ത്രം ഉപയോഗിച്ച് തകർത്തു. സി.പി.എം പ്രാദേശിക നേതാവും കർഷക സംഘം ജില്ല കമ്മിറ്റിയംഗവുമായ ബംബ്രാണയിലെ കെ.കെ. അബ്ദുല്ലക്കുഞ്ഞിയുടെ വീടാണ് തകർത്തത്.

അക്രമം പ്രതിരോധിക്കുന്നതിനിടെ അബ്ദുല്ലകുഞ്ഞിക്കും കുടുംബങ്ങൾക്കും പരിക്കേറ്റു. കെ.കെ. അബ്ദുല്ലക്കുഞ്ഞി, ഭാര്യ റുഖിയ, മകൻ അബ്ദുൽ റഹീം എന്നിവർക്കാണ് പരിക്കേറ്റത്. ഇവരെ കുമ്പള സഹകരണ ആശുപത്രിയിൽ പ്രവേശിപ്പിച്ചു.

ശനിയാഴ്ച രാവിലെ ഏഴോടെ ഒരു സംഘം മണ്ണുമാന്തി യന്ത്രവുമായി എത്തി വീട് തകർക്കുകയായിരുന്നെന്ന് അബ്ദുല്ലക്കുഞ്ഞി കുമ്പള പൊലീസിൽ പരാതി നൽകി. അക്രമത്തിന് പിന്നിൽ എസ്.ഡി.പി.ഐ പ്രവർത്തകരാണെന്നാണ് ആരോപണം.

No stories found.
Anweshanam അന്വേഷണം
www.anweshanam.com