വിമാന ടിക്കറ്റ്​ നിരക്ക്: ഡോക്​ടർമാർക്കും നഴ്​സുമാർക്കും ഡിസ്​കൗണ്ടുമായി ഇൻഡി​ഗോ
India

വിമാന ടിക്കറ്റ്​ നിരക്ക്: ഡോക്​ടർമാർക്കും നഴ്​സുമാർക്കും ഡിസ്​കൗണ്ടുമായി ഇൻഡി​ഗോ

യാത്ര ചെയ്യുമ്പോൾ നഴ്​സുമാരും ഡോക്​ടർമാരും ജോലി​ ചെയ്യുന്ന ആശുപത്രിയുടെ ​ഐ.ഡി കാർഡും തിരിച്ചറിയൽ രേഖയും കരുതണമെന്ന് ഇൻഡിഗോ

By News Desk

Published on :

ന്യൂഡൽഹി: രാജ്യത്ത് കോവിഡ് 19 പടരുന്ന പശ്ചാത്തലത്തിൽ വിമാന ടിക്കറ്റ്​ നിരക്കിൽ ഡോക്​ടർമാർക്കും നഴ്​സുമാർക്കും ഡിസ്​കൗണ്ടുമായി ഇൻഡി​ഗോ. കൊവിഡിനെതിരെ മുൻനിരയിൽ നിന്ന് പോരാടുന്നവർക്കായി 2020 അവസാനം വരെ വിമാനടിക്കറ്റ്​ നിരക്കിൽ 25 ശതമാനം ഡിസ്​കൗണ്ട്​ നൽകുമെന്ന്​ ഇൻഡിഗോ അധികൃതർ അറിയിച്ചു.

യാത്ര ചെയ്യുമ്പോൾ നഴ്​സുമാരും ഡോക്​ടർമാരും ജോലി​ ചെയ്യുന്ന ആശുപത്രിയുടെ ​ഐ.ഡി കാർഡും തിരിച്ചറിയൽ രേഖയും കരുതണമെന്ന് ഇൻഡിഗോ പത്രക്കുറിപ്പിൽ വ്യക്തമാക്കി. ഇൻഡിഗോയുടെ വെബ്​സൈറ്റ്​ വഴി ടിക്കറ്റ്​ ബുക്ക്​ ചെയ്യുന്നവർക്കായിരിക്കും ഇളവ്​. ജൂലൈ ഒന്നുമുതൽ ഡിസംബർ 31 വരെ ഇളവ്​ നൽകും.

ലോക്ക്ഡൗണിന്​ ശേഷം​ ആഭ്യന്തര വിമാന സർവിസ്​ പുനരാരംഭിച്ചെങ്കിലും യാത്രക്കാർ കുറവായത്​ വിമാനകമ്പനികളെ വൻതോതിൽ വലക്കുന്നുണ്ട്​. ജൂലൈ ഒന്നുവരെ 785 വിമാന സർവിസുകളിലായി 71,471 ​പേർ മാത്രമാണ്​ യാത്ര ചെയ്തതെന്ന്​ വ്യോമയാന മന്ത്രി ഹർദീപ്​ സിങ്​ പുരി കഴിഞ്ഞ ദിവസം ട്വീറ്റ് ചെയ്തിരുന്നു. അതായത്​ ശരാശരി ഒരു വിമാനയാത്രയിൽ 91 യാത്രക്കാർ മാ​ത്രം.

Anweshanam
www.anweshanam.com