വെയ്റ്റ് ലിസ്റ്റ് യാത്രക്കാര്‍ക്കായി ക്ലോണ്‍ ട്രെയിന്‍ ഏര്‍പ്പെടുത്താനൊരുങ്ങി ഇന്ത്യന്‍ റെയില്‍വെ
India

വെയ്റ്റ് ലിസ്റ്റ് യാത്രക്കാര്‍ക്കായി ക്ലോണ്‍ ട്രെയിന്‍ ഏര്‍പ്പെടുത്താനൊരുങ്ങി ഇന്ത്യന്‍ റെയില്‍വെ

നിലവിലുള്ള ട്രെയിനിന്റെ അതേ നമ്പറില്‍ തന്നെയാവും പ്രത്യേക ട്രെയിനും ഓടുക.

Geethu Das

Geethu Das

ന്യൂഡെല്‍ഹി: വെയ്റ്റ് ലിസ്റ്റിലുള്ള യാത്രക്കാര്‍ക്ക് ആശ്വസിക്കാം. തിരക്കേറിയ റൂട്ടുകളില്‍ വെയ്റ്റ് ലിസ്റ്റിലുള്ള യാത്രക്കാര്‍ക്കായി ക്ലോണ്‍ ട്രെയിന്‍ ഏര്‍പ്പെടുത്താനൊരുങ്ങി ഇന്ത്യന്‍ റെയില്‍വെ.

റെയില്‍വെ ബോര്‍ഡ് ചെയര്‍മാന്‍ വി.കെ യാദവാണ് ഇക്കാര്യം അറിയിച്ചത്. നിലവില്‍ ഓടിക്കൊണ്ടിരിക്കുന്ന ട്രെയിനുകള്‍ നിരീക്ഷിച്ചായിരിക്കും ആവശ്യമെങ്കില്‍ മറ്റൊരു ട്രെയിന്‍കൂടി അതേ റൂട്ടില്‍ ഏര്‍പ്പെടുത്തുക. നിലവിലുള്ള ട്രെയിനിന്റെ അതേ നമ്പറില്‍ തന്നെയാവും പ്രത്യേക ട്രെയിനും ഓടുക.

ഇത്തരത്തില്‍ പ്രത്യേകം ഏര്‍പ്പെടുത്തുന്ന ട്രെയിനുകള്‍ക്ക് സ്റ്റോപ്പ് കുറവായിരിക്കും. യാത്രക്കാരുടെ ആവശ്യം അനുസരിച്ചാവും പ്രധാന സ്റ്റേഷനുകളില്‍ സ്റ്റോപ്പ് അനുവദിക്കുകയെന്ന് ചെയര്‍മാന്‍ വ്യക്തമാക്കി. റിസര്‍വേഷന്‍ ചാര്‍ട്ട് തയ്യാറാക്കിയ ഉടനെ നാലുമണിക്കൂര്‍ മുമ്പ് പുതിയ ട്രെയിന്‍ സംബന്ധിച്ച് വെയ്റ്റ് ലിസ്റ്റിലുള്ള യാത്രക്കാരെ വിവരമറിയിക്കും.

ഇതിനായി പാസഞ്ചര്‍ റിസര്‍വേഷന്‍ സംവിധാനത്തില്‍ മാറ്റം വരുത്തും. സ്ലീപ്പ് ക്ലാസില്‍ 400, തേഡ് എസി(ചെയര്‍കാര്‍) 300, സെക്കന്‍ഡ് ക്ലാസ് 100 എന്നിങ്ങനെ റിസര്‍വേഷന്‍ പൂര്‍ത്തിയാകുമ്പോള്‍ ബുക്കിങ് അവസാനിപ്പിക്കുന്ന രീതിയാണ് നിലവിലുള്ളത്.

Anweshanam
www.anweshanam.com