ഫ്രാന്‍സിൽ നടന്ന ഭീകരാക്രമണങ്ങളില്‍ അപലപിച്ച്‌ നരേന്ദ്ര മോദി

ഭീകരവാദത്തിനെതിരായ പോരാട്ടത്തില്‍ ഇന്ത്യ എന്നും ഫ്രാന്‍സിനൊപ്പമുണ്ടെന്നും അദ്ദേഹം ട്വീറ്റ് ചെയ്തു
ഫ്രാന്‍സിൽ നടന്ന ഭീകരാക്രമണങ്ങളില്‍ അപലപിച്ച്‌ നരേന്ദ്ര മോദി

ന്യൂഡൽഹി: ഫ്രാന്‍സിൽ നടന്ന ഭീകരാക്രമണങ്ങളില്‍ അപലപിച്ച്‌ ഇന്ത്യന്‍ പ്രധാനമന്ത്രി നരേന്ദ്ര മോദി. ഫ്രാന്‍സിലെ നീസ് നഗരത്തിലെ ദേവാലയത്തിൽ ഇന്ന് നടന്നതടക്കമുള്ള കൊലപാതകങ്ങളിലാണ് പ്രധാനമന്ത്രി അപലപിച്ചത്.

കൊല്ലപ്പെട്ടവരുടെ കുടുംബത്തിനും ഫ്രാന്‍സിലെ ജനങ്ങള്‍ക്കും ഹൃദയത്തില്‍ നിന്ന് മോദി അനുശോചനം അറിയിച്ചു. ഭീകരവാദത്തിനെതിരായ പോരാട്ടത്തില്‍ ഇന്ത്യ എന്നും ഫ്രാന്‍സിനൊപ്പമുണ്ടെന്നും അദ്ദേഹം ട്വീറ്റ് ചെയ്തു.

അക്രമികള്‍ അധ്യാപകനെ കൊലപ്പെടുത്തിയതിന് പിന്നാലെ ഫ്രാന്‍സില്‍ ഇന്ന് മറ്റൊരു ഭീകരാക്രമണം കൂടി നടന്നു. എന്നാൽ ഈ സംഭവത്തിന് മുൻപ് നടന്ന സംഭവവുമായി ബന്ധമുണ്ടോ എന്ന കാര്യം വ്യക്തമല്ല. ആക്രമണത്തില്‍ മൂന്ന് പേര്‍ കൊല്ലപ്പെട്ടു. കത്തി ഉപയോഗിച്ചാണ് ആക്രമണമുണ്ടായത്.

അക്രമിയെ പൊലീസ് കസ്റ്റഡിയിലെടുത്തതായും നീസ് മേയര്‍ ക്രിസ്റ്റിയന്‍ എന്‍ട്രോസി ട്വിറ്ററിലൂടെ അറിയിച്ചു. ആക്രമണത്തില്‍ നിരവധി പേര്‍ക്ക് പരിക്കേറ്റു. ആക്രമണത്തില്‍ അന്വേഷണം നടത്താന്‍ ആവശ്യപ്പെട്ടതായി ഫ്രഞ്ച് ആന്റി ടെററിസ്റ്റ് പ്രോസിക്യൂട്ടേഴ്സ് ഡിപ്പാര്‍ട്ട്മെന്റ് വ്യക്തമാക്കി.

Related Stories

Anweshanam
www.anweshanam.com