എസ് പി ബാല സുബ്രഹ്മണ്യത്തിന്‍റെ കോവിഡ് നെഗറ്റീവെന്ന വാർത്ത തെറ്റ്
Entertainment

എസ് പി ബാല സുബ്രഹ്മണ്യത്തിന്‍റെ കോവിഡ് നെഗറ്റീവെന്ന വാർത്ത തെറ്റ്

എസ് പി ബാലസുബ്രഹ്മണ്യത്തിന്‍റെ മകൻ പ്രസ്‌താവന തിരുത്തി. തെറ്റിദ്ധാരണ മൂലം ഉണ്ടായ പ്രസ്താവനയാണെ

News Desk

News Desk

ചെന്നൈ: പ്രശസ്ത ഗായകന്‍ എസ് പി ബാലസുബ്രഹ്മണ്യത്തിന്‍റെ കോവിഡ് പരിശോധന ഫലം നെഗറ്റീവെന്ന മകന്‍റെ പ്രസ്താവന നിഷേധിച്ച്‌ എംജിഎം ആശുപത്രി. എസ് പി ബാലസുബ്രഹ്മണ്യത്തിന്‍റെ ആരോഗ്യനിലയില്‍ കഴിഞ്ഞ രണ്ട് ദിവസമായി പ്രശ്നമില്ല, കോവിഡ് നെഗറ്റീവ് എന്ന് റിപ്പോര്‍ട്ട് ലഭിച്ചിട്ടില്ലെന്ന് ആശുപത്രി വിശദമാക്കി.

ഇതോടെ, എസ് പി ബാലസുബ്രഹ്മണ്യത്തിന്‍റെ മകൻ പ്രസ്‌താവന തിരുത്തി. തെറ്റിദ്ധാരണ മൂലം ഉണ്ടായ പ്രസ്താവനയാണെന്നും അവ പ്രചരിപ്പിക്കരുതെന്നും അദ്ദേഹം പറഞ്ഞു.

ഈ മാസം അഞ്ചിന് കൊവിഡ് ബാധയെത്തുടര്‍ന്നാണ് എസ് പി ബാലസുബ്രഹ്മണ്യത്തെ ആശുപത്രിയില്‍ പ്രവേശിപ്പിച്ചത്. പിന്നാലെ ആശുപത്രിയില്‍ നിന്ന് റെക്കോര്‍ഡ് ചെയ്ത വീഡിയോ എസ് പി ബാലസുബ്രഹ്മണ്യം തന്നെ പുറത്തുവിട്ടിരുന്നു. തീവ്ര വൈറസ് ബാധയില്ലെന്നും ആരോഗ്യനില തൃപ്തികരമാണെന്നും ഡോക്ടര്‍മാര്‍ അറിയിച്ചെന്നും വീഡിയോയില്‍ അദ്ദേഹം വ്യക്തമാക്കിയിരുന്നു.

Anweshanam
www.anweshanam.com