മാര്‍ച്ച് 26 ന് കടയ്ക്കല്‍ ചന്ദ്രന്‍ അധികാരമേല്‍ക്കും; വണ്ണിന്റെ റിലീസ് പ്രഖ്യാപിച്ച് മമ്മൂട്ടി

മാര്‍ച്ച് 26 ന് കടയ്ക്കല്‍ ചന്ദ്രന്‍ അധികാരമേല്‍ക്കും; വണ്ണിന്റെ റിലീസ് പ്രഖ്യാപിച്ച് മമ്മൂട്ടി

മമ്മൂട്ടി ചിത്രം വണ്ണിന്റെ റിലീസ് തിയതി പ്രഖ്യാപിച്ചു. മാര്‍ച്ച് 26നാണ് ചിത്രം പ്രേക്ഷകരിലേക്ക് എത്തുന്നത്. മമ്മൂട്ടി തന്നെയാണ് പ്രഖ്യാപനം നടത്തിയത്. മാര്‍ച്ച് 26 മുതല്‍ കടയ്ക്കല്‍ ചന്ദ്രന്‍ അധികാരമേല്‍ക്കും എന്ന അടിക്കുറിപ്പിലാണ് താരം പോസ്റ്റര്‍ പങ്കുവെച്ചത്. കേരള മുഖ്യമന്ത്രിയായാണ് മമ്മൂട്ടി ചിത്രത്തിൽ എത്തുന്നത്.

ചിത്രത്തിന്റെ സെന്‍സറിംഗ് നടപടികള്‍ കഴിഞ്ഞ ദിവസം പൂര്‍ത്തിയായിരുന്നു. കട്ടുകളൊന്നും ഇല്ലാതെതന്നെ യു സര്‍ട്ടിഫിക്കറ്റ് ആണ് ചിത്രത്തിന് ലഭിച്ചത്. സന്തോഷ് വിശ്വനാഥ് സംവിധാനം ചെയ്യുന്ന ചിത്രത്തിന് ബോബിസഞ്ജയ് ആണ് തിരക്കഥ ഒരുക്കിയിരിക്കുന്നത്.

മമ്മൂട്ടിക്കൊപ്പം സംവിധായകന്‍ രഞ്ജിത്ത്, ജോജു ജോര്‍ജ്, ശങ്കര്‍ രാമകൃഷ്ണന്‍, സലിംകുമാര്‍, ഗായത്രി അരുണ്‍, മുരളി ഗോപി, ബാലചന്ദ്ര മേനോന്‍, മാമുക്കോയ, ശ്യാമപ്രസാദ്, അലന്‍സിയര്‍, സുരേഷ് കൃഷ്ണ, ഇഷാനി കൃഷ്ണ തുടങ്ങിയ വന്‍ താരനിരയും അണിനിരക്കുന്നുണ്ട്. ഇച്ചായീസ് പ്രൊഡക്ഷന്‍സിന്റെ ബാനറില്‍ ശ്രീലക്ഷ്മി ആര്‍ ആണ് ചിത്രം നിര്‍മ്മിക്കുന്നത്.

No stories found.
Anweshanam അന്വേഷണം
www.anweshanam.com