സ്വാശ്രയ മെഡിക്കല്‍ കോളേജുകളിലെ സര്‍ക്കാര്‍ സീറ്റിലെ ഫീസ്‌ വര്‍ദ്ധിപ്പിച്ചു. സര്‍ക്കാര്‍ സീറ്റില്‍ 1,38,000 രൂപയാണ്‌ ഫീസ്‌. ത്രിതല ഫീസ്‌ ഘടന ഒഴിവാക്കി. സാമ്പത്തികമായി പിന്നോക്കം നില്‍ക്കുന്നവര്‍ക്ക്‌ ഫീസ്‌ ഇളവില്ല. സര്‍ക്കാര്‍ സീറ്റുകളിലേക്ക്‌ ഓപ്‌ഷന്‍ വിളിക്കാന്‍ രാവിലെ മാനേജ്‌മെന്റ്‌ പ്രതിനിധികളുമായി നടത്തിയ ചര്‍ച്ചയില്‍ ധാരണയായിരുന്നു.

തിരുവനന്തപുരം: സ്വാശ്രയ  മെഡിക്കല്‍ കോളെജുകളിലെ 50% സര്‍ക്കാര്‍ സീറ്റുകളിലേക്ക് ഓപ്ഷന്‍ സ്വീകരിക്കാന്‍ തീരുമാനിച്ചു. വിദ്യാഭ്യാസ മന്ത്രി എം.എ. ബേബിയുമായി സ്വാശ്രയ മാനെജ്മെന്‍റ് അസോസിയേഷന്‍ നടത്തിയ ചര്‍ച്ചയിലാണു തീരുമാനം. ഇതു സംബന്ധിച്ച ഉത്തരവ് സര്‍ക്കാര്‍ ഉടന്‍ പുറത്തിറക്കും. എന്നാല്‍ ഈ മാസം 13 നു സുപ്രീംകോടതി വിധി വന്നതിനു ശേഷമേ അലോട്ട്മെന്‍റും പ്രവേശനവും ഉണ്ടാകൂ. കരാര്‍ പ്രകാരമുള്ള 1.38,000 ഫീസായിരിക്കും ഓപ്ഷനില്‍ നല്‍കുക. എന്നാല്‍ ഫീസ് സംബന്ധിച്ച അന്തിമ തീരുമാനവും കോടതി വിധിക്കു ശേഷമാകും എടുക്കുക. ഓപ്ഷന്‍ സ്വീകരിക്കാന്‍ തീരുമാനിച്ച വിവരം സുപ്രീംകോടതിയെ അറിയിക്കും.

കോട്ടയം: എം.ജി സര്‍വകലാശാലയോട് അഫിലിയേറ്റ് ചെയ്തിട്ടുള്ള സര്‍ക്കാര്‍/എയ്ഡഡ്/സ്വാശ്രയ ആര്‍ട്സ് ആന്‍ഡ് സയന്‍സ് കോളെജുകളിലെ ബിരുദാനന്തര ബിരുദ കോഴ്സുകളിലേക്കുള്ള ആദ്യ അലോട്ട്മെന്‍റ് ഇന്നു രാവിലെ ഒന്‍പതുമണിക്ക് വെബ്സൈറ്റില്‍ പ്രസിദ്ധീകരിക്കും.

തിരുവനന്തപുരം: സംസ്ഥാനത്തെ പൊതുവിദ്യാലയങ്ങളില്‍ വിവിധ മേഖലകളിലായി നടക്കുന്ന പ്രവര്‍ത്തനങ്ങളെ പരസ്‌പരം പങ്കുവെയ്‌ക്കുന്നതിനും മികവുകള്‍ക്ക്‌ അംഗീകാരം നല്‍കുന്നതിനുമായി ഐ.ടി@സ്‌കൂള്‍ വിദ്യാഭ്യാസ റിയാലിറ്റി ഷോ നടത്തും. ഗ്രീന്‍ കേരള എക്‌സ്‌പ്രസ്‌ മാതൃകയില്‍ നടത്തുന്ന സോഷ്യല്‍ റിയാലിറ്റിഷോ ഐ.ടി@സ്‌കൂള്‍ വിക്‌ടേഴ്‌സ്‌ ചാനലില്‍ സംപ്രേഷണം ചെയ്യും.

തിരുവനന്തപുരം: ഒക്‌ടോബര്‍ മൂന്നിന്‌ തിരുവനന്തപുരത്ത്‌ നടത്താന്‍ നിശ്ചയിച്ചിരുന്ന എംഎസ്‌സി നഴ്‌സിംഗ്‌ കോഴ്‌സിലേക്കുള്ള പ്രവേശന പരീക്ഷ സെപ്‌റ്റംബര്‍ 19ന്‌ തിരുവനന്തപുരത്ത്‌ നടത്തും. സമയപരിമിതിമൂലം അപേക്ഷാര്‍ഥികള്‍ക്ക്‌ അഡ്‌മിറ്റ്‌ കാര്‍ഡ്‌ തപാല്‍ മുഖേന അയക്കില്ല.

ഇന്ത്യന്‍ ഇന്‍സ്റ്റിറ്റ്യൂട്ട് ഒഫ് മാനെജ്മെന്‍റ് (കോഴിക്കോട്) വിവിധ തസ്തികകളിലെ 13 ഒഴിവിലേക്ക് അപേക്ഷ ക്ഷണിച്ചു. പൂരിപ്പിച്ച അപേക്ഷ സ്വീകരിക്കുന്ന അവസാന തീയതി സെപ്റ്റംബര്‍ 30. തസ്തിക, യോഗ്യത, ശമ്പളനിരക്ക്, പ്രായപരിധി, ഒഴിവ് എന്നിവ ചുരുക്കത്തില്‍ ചുവടെ:

കേന്ദ്ര സര്‍ക്കാരിനു കീഴില്‍ ഒറിസയിലുള്ള നാഷണല്‍ അലുമിനിയം കമ്പനി ലിമിറ്റഡ് വിവിധ വിഭാഗങ്ങളില്‍ ഗ്രാജ്വേറ്റ് എന്‍ജിനീയര്‍ ട്രെയ്നി (ജിഇടി), മാനെജ്മെന്‍റ് ട്രെയ്നി (എംടി) തസ്തികകളിലെ ഒഴിവിലേക്ക് അപേക്ഷ ക്ഷണിച്ചു. ഗ്രാജ്വേറ്റ് എന്‍ജിനീ യര്‍ ട്രെയ്നിമാരുടെ 124ഉം മാനെജ്മെന്‍റ് ട്രെയ്നിമാരുടെ 15ഉം ഒഴിവുകളുണ്ട്.
ഓണ്‍ലൈനില്‍ അപേക്ഷ സമര്‍പ്പിക്കണം. അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 31.

കൗണ്‍സില്‍ ഒഫ് സയന്‍റിഫിക് ആന്‍ഡ് ഇന്‍ഡസ്ട്രിയല്‍ റിസെര്‍ച്ച് (സിഎസ്ഐആര്‍) വിവിധ ശാസ്ത്ര വിഷയങ്ങളില്‍ ജൂനിയര്‍ റിസെര്‍ച്ച് ഫെലോഷിപ്പ്, ലക്ചറര്‍ഷിപ്പ് എന്നിവയ്ക്കു നടത്തുന്ന സിഎസ്ഐആര്‍ യുജിസി- നെറ്റ് പരീക്ഷയ്ക്ക് ഇപ്പോള്‍ അപേക്ഷിക്കാം. ഡിസംബര്‍ 19നു പരീക്ഷ നടക്കും. സെപ്റ്റംബര്‍ മൂന്നു വരെ അപേക്ഷ സ്വീകരിക്കും. ലക്ഷദ്വീപുകാരുടെ അപേക്ഷ സെപ്റ്റംബര്‍ ഒമ്പതു വരെ സ്വീകരിക്കും. ഓണ്‍ലൈനിലും നിശ്ചിത അപേക്ഷാഫോമിലും അപേക്ഷ അയയ്ക്കാം. ജെആര്‍എഫിനും ലക്ചറര്‍ഷിപ്പിനും ഒന്നിച്ചോ ലക്ചറര്‍ഷിപ്പിനു മാത്രമായോ അപേക്ഷ അയയ്ക്കാം. അപേക്ഷയില്‍ ഇക്കാര്യം വ്യക്തമായി രേഖപ്പെടുത്തണം.

തിരുവനന്തപുരം: സംസ്ഥാന ഉന്നത വിദ്യാഭ്യാസ കൗണ്‍സില്‍ നല്‍കുന്ന വിദ്യാഭ്യാസ സ്‌കോളര്‍ഷിപ്പിന്‌ അപേക്ഷിക്കാനുള്ള അവസാന തീയതി 16 വരെ നീട്ടി. പരിശോധനയ്‌ക്കുശേഷം പ്രിന്‍സിപ്പല്‍മാര്‍ 21 ന്‌ മുമ്പ്‌ സര്‍ട്ടിഫിക്കറ്റ്‌ നല്‍കണം. കൂടുതല്‍ വിവരങ്ങള്‍ www.kshec.kerala,gov.in എന്ന വെബ്‌സൈറ്റില്‍.

തിരുവനന്തപുരം: ഭാഷാ ഇന്‍സ്റ്റിറ്റിയൂട്ടിന്റെ ഈ വര്‍ഷത്തെ അവാര്‍ഡുകള്‍ പ്രഖ്യാപിച്ചു. വൈജ്ഞാനിക ഗ്രന്ഥം: മലയാളിയുടെ സ്വത്വാന്വേഷണങ്ങള്‍ -പി. മണികണ്‌ഠന്‍, നോവല്‍: ഫ്രാന്‍സീസ്‌ ഇട്ടിക്കോര- ടി.ഡി. രാമകൃഷണന്‍, അരിവാള്‍ ജീവിതം-ജോസ്‌ പാഴൂക്കാരന്‍, നിരൂപണന ഗവേഷണ ഗ്രന്ഥം: പെണ്ണെഴുത്തിന്റെ ജീവിതം -എന്‍.കെ. രവീന്ദ്രന്‍, വിവര്‍ത്തനം: കുറ്റവും ശിക്ഷയും- കെ.പി. ശശിധരന്‍ എന്നിവര്‍ക്കാണ്‌ അവാര്‍ഡുകള്‍ ലഭിച്ചത്‌.