Anweshanam

യൂഡല്‍ഹി : പാര്‍ലമെന്റ്‌ ബജറ്റ്‌ സമ്മേളനം അടുത്തയാഴ്‌ച അവസാനിക്കുന്നതോടെ പെട്രോളിയം ഉല്‍പന്നങ്ങളുടെ വില വര്‍ധിപ്പിക്കാന്‍ കേന്ദ്ര നീക്കം. പെട്രോള്‍ ലിറ്ററിന്‌ അഞ്ചു രൂപയും ഡീസല്‍ ലിറ്ററിന്‌ മൂന്നു രൂപയും പാചകവാതകം സിലിണ്ടറിന്‌ 50 രൂപയും വര്‍ധിപ്പിക്കാനാണ്‌ ആലോചന.

ബജറ്റ്‌ സമ്മേളനത്തിന്റെ രണ്ടാം ഘട്ടം ചൊവ്വാഴ്‌ച അവസാനിച്ച ശേഷം വില വര്‍ധിപ്പിക്കാനാണു നീക്കം നടക്കുന്നത്‌. പാര്‍ലമെന്റിലെ എതിര്‍പ്പു നേരിടേണ്ട അവസ്‌ഥ അതോടെ ഒഴിവാകും. രാജ്യാന്തര വിപണിയിലെ എണ്ണവില വര്‍ധനയും ഡോളറിനു മുന്നില്‍ രൂപയുടെ മൂല്യത്തകര്‍ച്ചയും മൂലം ഇന്ധന വിലവര്‍ധന ഒഴിവാക്കാനാകില്ലെന്നു ധനമന്ത്രി പ്രണബ്‌ മുഖര്‍ജി കഴിഞ്ഞ ദിവസം സൂചിപ്പിച്ചിരുന്നു.

അന്താരാഷ്‌ട്ര വിപണിയില്‍ എണ്ണവില ബാരലിന്‌ 120 ഡോളറായി വര്‍ധിച്ചതു മൂലം നഷ്‌ടത്തിലേക്കു കൂപ്പുകുത്തുകയാണെന്നാണ്‌ എണ്ണക്കമ്പനികളുടെ വാദം. ഇതു മറികടക്കാന്‍ പെട്രോള്‍ ലിറ്ററിന്‌ എട്ടു രൂപ വര്‍ധിപ്പിക്കണമെന്നാണ്‌ കമ്പനികളുടെ ആവശ്യം.

പെട്രോള്‍ ലിറ്ററിന്‌ ഏഴു രൂപ നഷ്‌ടം സഹിച്ചാണു വില്‍ക്കുന്നതെന്നാണ്‌ എണ്ണക്കകമ്പനികളുടെ വാദം. അണ്ടര്‍ റിക്കവറി നികത്തുന്നതിന്‌ വില എട്ടു രൂപ വര്‍ധിപ്പിക്കുക, അല്ലെങ്കില്‍ വില നിര്‍ണയാധികാരം തല്‍ക്കാലം സര്‍ക്കാര്‍ ഏറ്റെടുക്കുക, ലിറ്ററിന്‌ 14.78 രൂപയെന്ന എക്‌സൈസ്‌ നികുതി അണ്ടര്‍ റിക്കവറി തുകയിലേക്കു വകയിരുത്തുക തുടങ്ങിയ ആവശ്യങ്ങളാണ്‌ എണ്ണക്കമ്പനികള്‍ മുന്നോട്ടു വച്ചിരിക്കുന്നത്‌.

ഡീസലിന്റെ വില നിര്‍ണയാധികാരവും കമ്പനികള്‍ക്കു നല്‍കാന്‍ നീക്കാനും തീരുമാനമായിട്ടുണ്ട്‌. എതിര്‍പ്പു ശക്‌തമായ നിലയ്‌ക്ക് അതു നടപ്പാക്കിയിട്ടില്ലെങ്കിലും ഏതു നിമിഷവും ഡീസല്‍വിലയും എണ്ണക്കമ്പനികളുടെ ദാക്ഷിണ്യത്തിലായേക്കും.

വില നിശ്ചയിക്കാനുള്ള അധികാരം ലഭിച്ച ശേഷം ഇതുവരെയായി ആറുതവണ വില കൂട്ടിയിട്ടുണ്ട്. 2011 ഡിസംബറിലാണ് ഒടുവില്‍ വില കൂട്ടിയത്.

അഞ്ചു സംസ്‌ഥാനങ്ങളില്‍ നിയമസഭാ തെരഞ്ഞെടുപ്പ്‌, പാര്‍ലമെന്റ്‌ ബജറ്റ്‌ സമ്മേളനം എന്നിവ മൂലം പിന്നീടു വിലവര്‍ധന ഒഴിവാകുകയായിരുന്നു.

തിരുവനന്തപുരം: ഉമ്മന്‍ചാണ്ടി സര്‍ക്കാരിന്‌ ഇന്ന്‌ ഒന്നാം പിറന്നാള്‍ എന്നാല്‍

തിരുവനന്തപുരം : ടി പി ചന്ദ്രശേഖരന്‍ കൊല്ലപ്പെട്ടത്‌ സി പി എമ്മിന്‌ വന്‍ തിരിച്ചടിയാകുമെന്ന്‌

തിരുവനന്തപുരം : വൈദ്യുതി നിയന്ത്രണം മെയ്‌ മാസം വരെ മതിയെന്ന്‌ റെഗുലേറ്ററി കമ്മീഷന്‍

കോഴിക്കാട്‌ : റെവല്യൂഷ്‌ണറി മാര്‍ക്‌സിസ്റ്റ്‌ പാര്‍ട്ടി നേതാവ്‌ ടി പി ചന്ദ്രശേഖരനെ

കോഴിക്കോട്‌ : റവലൂഷണറി മാര്‍ക്‌സിസ്റ്റ് പാര്‍ട്ടി

ബാംഗ്ലൂര്‍ : കര്‍ണ്ണാടക മുന്‍ മുഖ്യമന്ത്രിയായിരുന്ന യെദ്യൂരപ്പക്ക്‌ ഇപ്പോള്‍ കഷ്‌ടകാലമാണ്‌.

വടകര: റവല്യൂഷണറി മാര്‍ക്‌സിസ്റ്റ് പാര്‍ട്ടി നേതാവ് ടി.പി. ചന്ദ്രശേഖരനെ വധിച്ച കേസില്‍ നാലുപേരെ പ്രത്യേക അന്വേഷണ സംഘം അറസ്റ്റു ചെയ്തു.

ന്യൂദല്‍ഹി: 2 ജി സ്പെക്ട്രം അഴിമതി കേസില്‍ പ്രതി ചേര്‍ക്കപ്പെട്ട മുന്‍ ടെലികോം മന്ത്രി എ രാജക്ക്

ന്യൂഡല്‍ഹി: എയര്‍ ഇന്ത്യാ പൈലറ്റുമാരുടെ സമരം എട്ടാം ദിവസത്തിലേക്ക് കടന്നതോടെ