രാഹുല്‍ കാ സ്വയംവര്‍ എന്ന ടെലിവിഷന്‍ റിയാലിറ്റി ഷോയിലൂടെ വധുവിനെ തെരഞ്ഞെടുത്ത അന്തരിച്ച മുന്‍ കേന്ദ്രമന്ത്രി പ്രമോദ്‌ മഹാജന്റെ മകന്‍ രാഹുല്‍ മഹാജന്റേത്‌ നാടകമെന്ന്‌ ആരോപണം. രാഖി സാവന്തിനെപ്പോലെ രാഹുലും ഇപ്പോഴത്തെ ചൂട്‌ കഴിയുമ്പോള്‍ വധു ഡിംപിയുമായി വേര്‍പിരിയുമെന്നാണ്‌ റിപ്പോര്‍ട്ടുകള്‍. 

ബംഗാളി മോഡലായ ഡിംപിയുടെ ബിക്കിനി ചിത്രങ്ങള്‍ ഇപ്പോള്‍ ഇന്റര്‍നെറ്റിലെ ചൂടന്‍ വിഭവമാണ്‌. ഹലോ മേംസാബ്‌ എന്ന ബംഗാളി ചിത്രത്തിലെ ഡിംപിയുടെ ഐറ്റം നമ്പരിനും ആരാധകര്‍ ഏറെ. എന്നാല്‍ ഇവയെല്ലാം അവരുടെ കരിയറിന്റെ ഭാഗമാണെന്നാണ്‌ രാഹുല്‍ പറയുന്നത്‌. തന്റെ മനസിനിണങ്ങിയ പെണ്‍കുട്ടി എന്നാണ്‌ 21 വയസുകാരിയായ ഡിംപിയെ 34 വയസുകാരനായ രാഹുല്‍ വിശേഷിപ്പിക്കുന്നത്‌. മദ്യത്തിനും മയക്കുമരുന്നിലും ഡിംപിക്ക്‌ ഏറെ താല്‍പ്പര്യമാണെന്നും ഇതാകാം രാഹുലിനെ ആകര്‍ഷിച്ചതെന്നും ഒരു വിഭാഗം പറയുന്നു. അതുകൊണ്ടുതന്നെയാകാം രാഹുലിന്‌ ഡിംപിയെ ഇഷ്‌ടമായതെന്നും ഇവര്‍ പറയുന്നു. മറ്റു മത്സരാര്‍ഥികളെ അപേക്ഷിച്ച്‌ ശരീര ഭാഗങ്ങള്‍ പ്രദര്‍ശിപ്പിച്ചും ഡിംപി രാഹുലിനെ വീഴ്‌ത്താന്‍ ശ്രമിച്ചതായും ആരോപണമുണ്ട്‌ള 

നേരത്തേ ഷോയുടെ ആദ്യ സീസണില്‍ കാനഡയില്‍ വ്യവസായിയായ എലേഷിനെ ഭര്‍ത്താവായി നടി രാഖി സാവന്ത്‌ തെരഞ്ഞെടുത്തിരുന്നു. ജീവിതം സഫലമായെന്ന മട്ടില്‍ തകര്‍ത്തഭിനയിച്ച രാഖി പിന്നീട്‌ ബന്ധം ശരിയാകില്ലെന്നു പറഞ്ഞ്‌ പരസ്‌പരം പിന്മാറിയിരുന്നു. രാഹുലും ഇതേ രീതി തന്നെയാകും അവലംബിക്കുക. എന്തായാലും കിട്ടിയ സമയം കൊണ്ട്‌ ഡിംപിയുമൊത്ത്‌ മാലിയില്‍ മധുവിധുവിന്‌ തയാറെടുക്കുകയാണ്‌ രാഹുല്‍. അങ്കവും കാണാം താളിയുമൊടിക്കാം എന്ന നയമാകാം റിയാലിറ്റി ഷോയിലൂടെ രാഹുല്‍ ലക്ഷ്യമിട്ടത്‌. പണവും പ്രശസ്‌തിയും ഒപ്പം കുറച്ചുനാളത്തേക്ക്‌ ഒരു പെണ്ണും. ടിവി ചാനലുകള്‍ക്ക്‌ അങ്ങനെ പുതിയൊരു ജോലി കൂടി...

ശാലീന സൗന്ദര്യവും നിഷ്‌കളങ്കമായ ചിരിയും കൊണ്ട്‌ 'സുബ്രഹ്‌മണ്യപുര'ത്തിലൂടെ തെന്നിന്ത്യയുടെ മനംകവര്‍ന്ന സുന്ദരി സ്വാതി ഐറ്റം ഡാന്‍സ്‌ രംഗത്ത്‌ പ്രത്യക്ഷപ്പെടുന്നു. സത്യനാരായണയുടെ കന്നട ചിത്രമായ 'ഹുഞ്‌ജ'യിലാണ്‌ സ്വാതിയുടെ പുതിയ രൂപം പ്രേക്ഷകര്‍ കാണുക. 

സ്വാതിയുടെ ഇതുവരെ കാണാത്ത ചൂടന്‍ രംഗങ്ങാകും 'ഹുഞ്‌ജ'യിലെന്നാണ്‌ കന്നടയില്‍നിന്നുള്ള റിപ്പോര്‍ട്ടുകള്‍ പറയുന്നത്‌. മയൂര്‍ പട്ടേലും ദീപികയും മുഖ്യവേഷത്തിലെത്തുന്ന ചിത്രത്തില്‍ ഒറ്റ ഗാനത്തിനു മാത്രമായി സ്വാതി എത്തുന്നത്‌ ആരാധകരെ അത്ഭുതപ്പെടുത്തിയിരിക്കുകയാണ്‌. ശാലീന പെണ്‍കുട്ടി എന്ന ഇമേജ്‌ മാറ്റി മറിക്കാനാണ്‌ സ്വാതി പുതിയ റോള്‍ സ്വീകരിച്ചിരിക്കുന്നതെന്നും സിനിമാ വൃത്തങ്ങള്‍ പറയുന്നു. 

അതിനിടെ കന്നടയില്‍ ശിവരാജ്‌കുമാറിന്റെ നായികയായി 'മൈലാരി' എന്ന ചിത്രത്തിലും സ്വാതി അഭിനയിക്കുന്നുണ്ട്‌. സ്വാതി റെഡ്‌ഡി എന്ന പേരില്‍ കളേഴ്‌സ് ചാനലില്‍ ടിവി അവതാരകയായി രംഗത്തെത്തിയ സ്വാതി സുബ്രഹ്‌മണ്യപുരത്തിലൂടെയാണ്‌ ചലച്ചിത്ര ലോകത്ത്‌ ശ്രദ്ധേയയാകുന്നത്‌.